Teknologia -
MEZULARITZA
Auzitegi Nazionalak Telegram blokeatuko du, Mediasetek, Atresmediak eta Movistarrek eskatuta
Santiago Pedrazek hartu du erabakia (oraindik ez dago indarrean), egile eskubideak dituzten ikus-entzunezko edukien erabilera okerrarekin lotutako salaketa bat jaso ostean.
agentziak | eitb media
Santiago Pedraz Auzitegi Nazionaleko epaileak Telegramen berehalako mezularitza zerbitzua behin-behinean bertan behera uzteko agindu du, Mediasetek, Atresmediak eta Movistar Plusek egile eskubideak dituzten ikus-entzunezko edukien erabilera okerrarekin lotuta salaketa bat jarri ostean.
Iturri juridikoetatik jakinarazi dutenez, ikerketa egin bitartean ikus-entzunezko konpainiek mezularitza zerbitzua bertan behera uzteko eskatu dutelako hartu du epaileak erabaki hori.
Aipatu iturriek zehaztu dute epaileak informazioa eskatu diola Telegrami, baina ez duela erantzunik jaso.
Telegram martxan dago oraingoz, baina litekeena da datozen orduetan bertan behera uztea, Auzitegi Nazionalak aginduta.