Salaketak

Iñaki Barreiroren enpresari faktura bat hackeatu eta 52.000 euroko iruzurra egin zioten. Bezero bati faktura bidali zioten posta elektronikoz, iruzurgileak zenbakia aldatu eta bezeroari bidali zion, eta bezeroak iruzurgileari egin zion ordainketa. Salatu egin zuten baina ez zuten ezer lortu.

Atzo Gasteizen ertzain batek jasandako erasoa salatzeko eta errefusatzeko ertzain batzuk batu dira euskal poliziaren egoitza nagusiaren aurrean. Ertzainek defentsarako material gehiago eta formakuntza handiagoa eskatzen dute.

Ertzaintzak jaurtitako gomazko pilota batek sabelean jo zuen, eta astebetera hil zen ospitalean, 58 urte zituela. Ferrerias plazan egindako oroimen ekitaldian, egiaren aitortza eskatu dute, haren heriotzatik 29 urte bete berritan.

Baionako prokuradorearen arabera, hipotesia nagusia hilketa matxista da, baina oraindik ezin izan dute gorpua aurkitu. Eragile feministek salatu dutenez, sistemak huts egin du beste behin emakumeen ongizatea eta bizia babesteko orduan, eta baliabide gehiago eskatu dituzte horretarako.

Irudietan ikus daitekeenez, emakumea ihesi doala lurrera jausten da. Altxatzea lortu ostean, tren geltokirantz doa babesteko. Orduan, agente batek ostiko bat ematen diola antzematen da.

Palestinarekin Elkartasuna elkarteak deituta, 200 pertsona inguru elkartu dira CAFen egoitzaren aurrean, Beasainen, Jerusalemen tren proiektua eraikitzeko proiektua bertan behera uztea eskatzeko.

Greenpeaceren arabera, ez da kosta legea betetzen, Urdaibain paduretatik gertuegi eraikitzea aztertzen ari baitira. Inguru hori balio ekologiko handia duen eremu babestua da, eta talde ekologistak eremua berreskuratzeko eskatu du.