Politika -
JxCat
Jordi Turull ospitaleratu dute, bihotzekoak jota
Turulli (57 urte) kateterismoa egin diote jasan duen bihotzekoaren ondorioz. JxCateko iturriek azaldu dutenez, ebakuntza ondo joan da eta Juntseko idazkari nagusia ospitaleko Zainketa Intentsiboetako Unitatean (ZIU) dago une honetan.
AGENTZIAK | EITB MEDIA
Jordi Turull JxCateko idazkari nagusia Bartzelonako Bellvitge ospitalera eraman behar izan dute, bihotzekoak jota, alderdiak ohar baten bidez jakinarazi duenez.
Turulli (57 urte) kateterismoa egin diote jasan duen bihotzekoaren ondorioz. Turull Baix Llobregat eskualdean ibili da lanean ondoeza izan duenean. Ondoren, Bellvitgeko ospitalera eraman dute, ingurutik gertuen dagoen ospitalera.
JxCateko iturriek azaldu dutenez, ebakuntza ondo joan da eta Juntseko idazkari nagusia ospitaleko Zainketa Intentsiboetako Unitatean (ZIU) dago une honetan.
Pere Aragones Generalitateko presidenteak "susperraldi ona eta azkarra" opa dio Turulli. Salvador Illa PSCko lehen idazkariak ere animoak eman dizkio Turulli X sare sozialean.
JxCateko buruzagiek animo mezuak helarazi dizkiote, Laura Borras alderdiko presidenteak, besteak beste.