Politika -

PSOE

Maria Luisa Garcia Gurrutxagak ordezkatuko du Odon Elorza Diputatuen Kongresuan

Horrenbestez, Elorzak amaiera eman dio Kongresuan Gipuzkoako PSOEko diputatu gisa egindako ibilbideari.

Maria Luisa Garcia Gurrutxaga. Argazkia: PSE-EE.
Maria Luisa Garcia Gurrutxaga. Argazkia: PSE-EE.
Maria Luisa Garcia Gurrutxaga. Argazkia: PSE-EE.

EITB MEDIA

Whatsapp Facebook Twitter Telegram Email

Maria Luisa Garcia Gurrutxagak (Ataun, 1959) ordezkatuko du Odon Elorza PSOEko Gipuzkoako diputatua Diputatuen Kongresuan. Gurrutxaga Cambridgeko Unibertsitateko Euskal Filologiako eta Proficiency in Englisheko lizentziaduna da.

Gurrutxaga Donostiako zinegotzi sozialista ere izan da, eta gaur egun Gipuzkoako PSE-EEko zuzendaritzako Hezkuntza, Kultura eta Euskara idazkaria da.

Elorzak esan du amaiera eman diola Kongresuko diputatu gisa egindako ibilbideari, bere alderdiarekin "desadostasunak saihesteko", uste baitu bere "ekarpenak eta ekimen parlamentarioak" ez zaizkiola "Talde Sozialistari baliagarriak".

Donostiako alkate ohiak astelehen honetan eman du erabakiaren berri Kongresuko kideei zuzendutako gutun batean. Bertan azaldu duenez, karguari uko egitea "Alderdi Sozialistarekiko leialtasun keinu bat izan nahi du, eta, aldi berean, bere idealekin koherentziazkoa".

Hau zure interesekoa bada, baliteke beste gai hauek ere izatea
Diputatuen Kongresua Politika Albisteak PSOE Gaurko albisteak Gipuzkoa PSE-EE Eguneko albisteak Albisteak