Saudi Arabiaren Teherango enbaxadari eraso diote manifestariek

Larunbat gauean, hainbat lagunek eraso egin diote Saudi Arabiak Teheranen duen enbaxadari . Hain zuzen ere, eraso horren berri ematen duten irudiak eta bideoak zabaldu dituzte sare sozialetan.

Irudi horietako batean hainbat manifestari egoitza diplomatikoan sartzen eta hari su ematen ageri dira, Nimr al Nimr buruzagi erlijioso xiitaren exekuzioagatik protestan.

 

VIDEO: 12:08 AM, seems molotov cocktail thrown at Saudi embassy building in Tehran, protest over al-Nimr execution pic.twitter.com/d6vFKPcD6R

— Sobhan Hassanvand (@Hassanvand) enero 2, 2016

Terrorismoa eta desobedientzia leporatuta 47 lagun hil zituen atzo Saudi Arabiak, tartean udaberri arabiarreko buruzagietako bat zen Nimr al Nimr buruzagi xiita. Hori dela eta, gehiengo xiita duten estatuek gogor salatu dute erlijiosoaren exekuzioa eta protestak ugarituz ari dira azken orduetan. Hain justu, Iran da xiien potentziarik handiena.

 

Twitterren jarritako argazki batean, manifestariak eraikin baten aurrean ageri dira eta sute txikiak ikus daitezke. Beste batean, berriz, altzariak txikituta ikusten dira. Ustez, enbaxadaren barruko argazkiak dira. Oraingoz, ez dituzte agertutako argazkiak benetakoak diren argitzerik izan, baina Irango komunikabideek eta kazetariek irudiok zabaldu dituzte.

 

Video shows protesters inside Saudi embassy in Tehran pic.twitter.com/DEmsNLI6ZG

— Sobhan Hassanvand (@Hassanvand) enero 2, 2016