Gizartea -
NAFARROA
Gizon bat atxilotu dute Orkoienen sexu eraso delitua egotzita, hainbat adin txikikori ukituak egiteagatik
Erasoak Urtezahar gauean gertatu dira Orkoieneko (Nafarroa) Saramago pasealekuan. Atxilotuak polizia etxean jarraitzen du, epailearen aurretik noiz igaroko zain.
EITB Media
Foruzaingoak gizon bat atxilotu du Orkoienen sexu eraso delitua leporatuta, hainbat neska adin txikikori ukituak egin dizkiolakoan Saramago pasealekuan.
Erasoak Urtezahar gauean gertatu dira, Foruzaingoak jakinarazi duenez.
Atxilotua polizia etxera eraman dute eta bertan jarraitzen du, epailearen aurretik noiz igaroko zain.
Bestalde, Foruzaingoak ikerketa abiatu du gertaturikoa argitzeko.
Hau zure interesekoa bada, baliteke beste gai hauek ere izatea