23 urteko motor-gidari bat larri, Bakaikun traktore baten kontra talka eginda

23 urteko gizon bat larri zauritu da larunbat arratsaldean Bakaikun, gidatzen zuen motorrarekin traktore baten kontra talka eginda.

SOS Nafarroa 112 larrialdietarako zerbitzuak 16:07an jaso du ezbeharraren berri, eta Altsasuko suhiltzaileak, Etxarri Aranazko osasun-langileak, bizi-euskarri aurreratuko anbulantzia bat (medikalizatua) eta Foruzaingoaren patruilak bertaratu dira.

Istripua Alkazar inguruan gertatu da, industrialdera doan errepidean, eta motor bat eta traktore bat nahasi dira bertan.

Anbulantzia medikalizatu batean eraman dute 23 urteko motor-gidaria Nafarroako Unibertsitate Ospitalera, Iruñera.

Foruzaingoaren Iruñeko polizia-etxeko Argiketen Brigadako kideak arduratu dira ezbeharraren inguruko eginbideak egiteaz.