Gizartea -
SUTEA
Sute batek ia erabat kiskali du baserri bat Bermeon
17:00ak aldera piztu da sua, eta 20:45 aldera lortu dute itzaltzea. Suhiltzaileak lekuan bertan geratuko dira gauean, zaintza lanetan. Zorionez, ez da inor zauritu.
EITB MEDIA
Bermeoko Artika auzoko baserri batean piztu den suteak ia erabat suntsitu du eraikina, eta "kalte handiak" eragin ditu egituran.
17:00ak aldera jaso dute sutearen abisua larrialdietarako zerbitzuek, eta berehala bertaratu dira suhiltzaileak sua itzaltzera. 20:45 aldera lortu dute sua itzaltzea. Dena dena, suhiltzaileek bertan emango dute gaua bertan emango, zaintza lanetan, badaezpada ere.
Herrizango Sailak EITBri jakitera eman dionez, baserria ia erabat kiskalita geratu da, baina ez da inor zauritu. Bertan bizi den emakume batek eman die abisua suhiltzaileei, bertatik atera eta gero.
Bermeokoa ez da izan gaur arratsaldean suhiltzaileek itzali behar izan duten sute bakarra; izan ere, Sondikan ere sutea izan da etxebizitza batean, baina ez horren larria.