Gizartea -

TRAFIKOA

Gizon bat hil da auto batek harrapatuta A-63 autobidean, Biriatu parean

Harrapaketa gauerdian jazo da, argitu gabeko arrazoiak tarteko, gizonezkoa autobidean oinez ibiltzen ari zela. Autoan zihoan pertsonetako bat zaurituta eraman dute Baionako Ospitalera. Jendarmeriak ikerketa zabaldu du.

EITB Media

Whatsapp Facebook Twitter Telegram Email

Gizon bat hil da gauerdian auto batek harrapatuta A-63an, Biriatu parean (Lapurdi), Ipar Euskal Herriko hedabideek zabaldu dutenez.

Harrapaketa 00:00ak jota jazo da, 50 urteko biktima autobidetik oinez ari zenean. Auto batek bete-betean harrapatu du eta bertan zendu da gizona. Hala, bertaratutako osasun zerbitzuek heriotza baino ezin izan dute baieztatu.

Gainera, autoan zihoan bidaiarietako bat ere zaurituta eraman dute Baionako Ospitalera.

Jendarmeriak ikerketa zabaldu du gertatutakoa argitzeko.

Hau zure interesekoa bada, baliteke beste gai hauek ere izatea
Trafikoa Iparraldea Gizartea Eguneko albisteak Albisteak Harrapatzeak Lapurdi