Gizartea -
Bizkaia
Gizon bat atxilotu dute haur jaioberri batekin zihoan bikote bat furgonetarekin harrapatu ostean, Bilbon
Bikotea larri dago, baina haurtxoa onik atera da. Gidariak positibo eman du drogak kontsumitu dituen detektatzeko proban, ezbeharra gertatu den lekutik ihes egiten saiatu ondoren.
agentziak | eitb media
Furgoneta baten gidaria atxilotu dute Bilbon haur jaioberri batekin paseatzen ari zen bikote bat harrapatu eta drogak kontsumitu dituen detektatzeko kontrolean positibo eman ostean, Udaleko iturriek jakitera eman dutenez.
Bikotea larri zaurituta eraman dute Gurutzetako Ospitalera, baina haurtxoa onik atera zen, harrapaketa gertatu denean aitonak zeramalako.
Ezbeharra bart gertatu da, 21:00ak aldera, Tiboli kalean. Bikotea harrapatu ondoren, gidaria ihes egiten saiatu da, baina segurtasun langile batek atxiki du udaltzainak iritsi arte.
Arduragabekiaz gidatuta lesioak egitea eta bideko segurtasunaren aurkako delitua leporatzen dizkiote.