Gizartea -
Nafarroa
22 urteko gizon bat hil da Etxalarren, quadarekin istripua izan ondoren
Lizaietako Benta inguruan, Gorosurreta auzoan, ibilgailua irauli eta bertan hil da. Berako bizilaguna da hildakoa.
Agentziak | EITB Media
22 urteko gizon bat hil da bart Etxalarren (Nafarroa), gidatzen ari zen quadarekin istripua izan ostean.
SOS Nafarroak jakinarazi duenez, larrialdi zerbitzuek 21:36ean jaso zuten abisua 22 urteko gizona Berako etxetik quadarekin irten eta itzuli ez zela esanez.
Abisuaren berri izan ondotik, bilaketa dispositiboa jarri zuten martxan. Besteak beste, Oronozko suhiltzaileek, Nafarroako Sorospen Talde Teknikoak, Berako suhiltzaile boluntarioek, Foruzaingoak eta Guardia Zibilak parte hartu dute.
23:00ak aldera aurkitu zuten ibilgailua iraulita eta gaztea hilda Etxarko Gorosurreta auzoan, Lizaietako Benta inguruan.
Hilotza Nafarroako Medikuntza Institutura eraman dute, autopsia egin diezaioten.
Guardia Zibilak ikerketa abiatu du gertaturikoa argitzeko.