Cebada Gago ganadutegiko zezenek entzierro azkarra eta arriskutsua egin dute

Cebada Gago ganadutegiko zezenak protagonista izan dituen 2024ko sanferminetako bigarren entzierroa azkarra eta arriskutsua izan da.

Azkarra izan bada ere, tentsio eta arrisku handiko uneak izan dira. Tentsio handieneko uneetako bat zezenetako bat Estafetako bihurgunean erori denekoa izan da. Korrikalarietako bat animaliaren gainera erori da, eta, altxatzen saiatu denean, harrapatu egin du.

Gainera, Santo Domingo aldapan hainbat lasterkari ero eta pilaketak gertatu dira. Udaletxe parean ere erorikoak izan dira.

Zezenek 2 minutu eta 46 segundo behar izan dituzte bidea egiteko, eta horietako bat adarra apurtuta zuela sartu da ukuilura.

Bigarren entzierroaren ondoren, sei korrikalari ospitaleratu dituzte, denak ere kolpeengatik, lehen informazioen arabera. Atzo ez bezala, zezenek ez dute inor adarkatu. Zaurituetako batek buruko traumatismoa du, baina kontziente eta egonkor dago.

Zauritu guztiek jaso dute sendagiria egunean zehar.

Cebada Gago

Cebada Gago ganadutegiko zortzi zezen ekarri dituzte Iruñera, 510 eta 595 kilo artekoak: Estafador, Desgreñado, Avanto, Compuesto, Andante, Betico, Semillero eta Griton. Horietako sei atera dira entzierroan.

Juan Leal, Roman eta Isaac Fonseca toreatzaileen esku geratuko dira arratsaldeko zezenketan.