Gizartea -

TRAFIKOA

Trafikoa bere onera etorri da A-8 autobidean, Basauri parean, istripu batek auto-ilara luzeak eragin ondoren

Ezbeharra Malmasingo tunelaren sarreran gertatu da, 07:50 inguruan, Donostiako noranzkoan. 6 kilometrorainoko auto-ilarak sortu dira.

Basauri parean izandako istripuak auto ilara luzeak eragin ditu A-8an. Argazkia: @trafikoaEJGV
Basauri parean izandako istripuak auto ilara luzeak eragin ditu A-8an
Basauri parean izandako istripuak auto ilara luzeak eragin ditu A-8an. Argazkia: @trafikoaEJGV

EITB MEDIA

Whatsapp Facebook Twitter Telegram Email

Trafikoa bere onera etorri da A-8 autobidean, Basauri parean, 3 ibilgailuren arteko istripu batek auto-ilara luzeak eragin ondoren.

Eusko Jaurlaritzako Segurtasun Sailak jakinarazi duenez, 07:50 inguruan izan da istripua, Malmasingo tunelaren sarreran, Donostiako noranzkoan. Ondorioz, ezkerreko erreia itxi egin behar izan dute eta 6 kilometrorainoko ilarak sortu dira.

Bertaratu diren garabiek 09:00ak aldera erretiratu dituzte istripua izan duten autoak bidetik, eta pixkanaka-pixkanaka ibilgailuen joan-etorriak normaltasuna berreskuratu du.

Ez da inor zauritu.

Hau zure interesekoa bada, baliteke beste gai hauek ere izatea
Trafiko Istripuak Euskal Herrian Trafikoa Basauri Gizartea bideoak Trafikoko web-kamerak Donostian Albisteak Gaur Albisteak A-8 autobideko istripuak gaur Trafiko istripuen biktimak