Gizartea -

Trafikoa

AP-8 autobidea ireki dute berriro, Basauri parean trafiko-istripu batengatik itxita egon ostean

Auto bat errepidetik atera da, eta gidaria Galdakaoko Ospitalera eraman behar izan dute. Ertzaintzak trafiko-zirkulazioa eten du puntu horretan, eta horrek auto-pilaketak sortu ditu. Ordubete geroago, berriro ireki dute. Bestalde, ezbeharra izan da N-634 errepidean ere, Usurbilen.

Basaurin trafiko-istripua izandako autoaren irudietako bat. Argazkia: Bizkaiko Suhiltzaileak
Basaurin trafiko-istripua izandako autoaren irudietako bat. Argazkia: Bizkaiko Suhiltzaileak
Basaurin trafiko-istripua izandako autoaren irudietako bat. Argazkia: Bizkaiko Suhiltzaileak

AGENTZIAK | EITB MEDIA

Whatsapp Facebook Twitter Telegram Email

AP-8 autobidea, Basauri parean (Bizkaia), berriro ireki dute trafikorako, trafiko-istripu batengatik ordubetez gutxienez itxita egon ostean, Eusko Jaurlaritzako Segurtasun Saileko iturriek jakitera eman dutenez.

Ezbeharra 09:00etan jazo da, AP-8an, Basauri parean, Donostiarako noranzkoan. Auto bat errepidetik atera da, eta gidaria Galdakaoko Ospitalera eraman behar izan dute. Ertzaintzak trafiko-zirkulazioa eten du puntu horretan, eta horrek auto-pilaketak sortu ditu. Ordubete geroago ireki dute errepidea berriro.

Bestalde, N-634 errepidean, Usurbil parean (Gipuzkoa), hiru autok talka egin dute. Ez da inor zauritu, baina garabiak behar izan dituzte ibilgailuak errepidetik eramateko. Ondorioz, Ertzaintzak trafikoa desbideratu du.

Azken orduetako euriteekin lotuta, Ertzaintzak itxi egin du Erandioko BI-735 errepidea (Bizkaia), Asua parean, ur putzu handiak sortu baitira bertan.

Hau zure interesekoa bada, baliteke beste gai hauek ere izatea
Trafiko Istripuak Basauri Gizartea Eguneko albisteak Albisteak A-8 Autobidea