Gizartea -
Trafikoa
Ilarak sortu dira N-1ean, Andoain parean eta Donostiako noranzkoan, sei autoren arteko istripu baten ondorioz
Zorionez, ez da inor zauritu. Ibilgailuak bide bazterrera erretiratu badituzte ere, bost kilometroko pilaketak sortu dira.
EITB Media
Sei autok ezbeharra izan dute gaur N-1 errepidean, Andoain parean eta Donostiako noranzkoan, Segurtasun Sailak eitb.eus-i jakinarazi dionez.
08:30ean izan da istripua, argitu gabeko arrazoiak tarteko. Ez da inor zauritu. Istripua izan duten ibilgailuak bidetik erretiratzeko garabiak behar izan dira eta, hala, errei bat itxi dute.
Bost kilometroko ilarak sortu dira Donostiako noranzkoan.