Gizartea -
Bizkaiko garraiobide publikoa
Ostiraletan gaueko zerbitzua eskainiko du Bilboko metroak irailaren 30era arte
Ekainaren 1etik uda amaierara arte, larunbat eta jai bezperatan ez ezik, ostiraletan ere gau guztian egongo dira trenak.
EITB Media
Gaurtik hasita, Bilboko metroak gaueko zerbitzua eskaintzeari ekingo dio ostiraletan. Ikasturtean zehar, larunbat eta jai bezperatan daude trenak gauez, baina ekainean ostiraletan ere eskaintzen da zerbitzua.
Hala, 1. linean (Etxebarri-Plentzia) eta 2. linean (Basauri-Kabiezes) ohiko maiztasunekin ibiliko dira trenak ostiral, larunbat eta jai bezperetan irailaren 30era arte.
Uztailaren 1ean, berriz, udako ordutegia abiatuko du Metro Bilbaok.