Gazte bat atxilotu dute Elorrion AHTren makina bat erretzea egotzita

Ertzaintzak 23 urteko gazte bat atxilotu zuen asteartean, joan den igandean Elorrion egiten ari diren AHT lanetan ari zen milioi bat laurehun mila euroko makina pilotatzaile bat erre zuelakoan.

Eusko Jaurlaritzako Segurtasun Sailak jakitera eman duenez, igandean, 08:00ak aldera, Ertzaintzak jakin zuen Elorrioko Abiadura Handiko Trenaren lanak egiten ari diren gunean aparkatuta zegoen makina pilotatzaile bat sutan zegoela.

Hainbat larrialdi-zerbitzu bertaratu ziren, eta suhiltzaileek sua itzaltzea lortu zutenean, sua nahita eragindakoa izan zela erakusten zuten zantzu argiak aurkitu zituzten.

Ertzaintzak ikerketa abiarazi zuen, eta 23 urteko gizon bat atxilotu zuen ustezko sabotajearekin zerikusia zuelakoan. Atxilotua ertzain-etxean dago, epailearen esku uzteko zain, eta ikerketak irekita jarraitzen du.