Gizartea -
XXII. edizioa
Urriaren 5etik 9ra egingo dute Gastronomika, plataforma digital berri baten bidez
Hitzaldiak eta bestelako jarduerak tartekatuko ditu XXII. edizio honek, eta Gastronomika plataforma digitalaren bidez emango dute. Sarrera doakoa izango da.
AGENTZIAK | ERREDAKZIOA
Gastronomika biltzarra urriaren 5etik 9ra egingo dute Donostian. COVID-19aren pandemia dela eta, plataforma digital berri baten bidez egingo dute, eta sarrera doakoa izango da.
Ohar batean antolatzaileek azaldu dute hitzaldiak eta bestelako jarduerak, gehienak zuzenekoak, tartekatuko dituela XXII. edizio honek.
'Caminos-Bideak-Pathways' izena aukeratu dute joera alternatiboak eta nazioarteko gastronomiaren errealitateak uztartuko dituen edizio berri honetarako. Hala, Gastronomika plataformak areto ezberdinak izango ditu. Horietan, hainbat jarduera izango dira, aldi berean. Gainera, online erakustoki baten bidez, enpresek haien produktuak erakutsi eta parte-hartzaileekin hitz egiteko aukera izango dute, "leku fisiko berean egongo balira bezala".
Aurten, Italiak eta Espainiak elkarrekin kozinatuko dute. Alpeez bestaldeko herrialdeari eskainitako egun bat ere antolatu dute.
Sariak
Gastronomian egindako ibilbideagatik saria jasoko du Jose Andres sukaldariak. Hain zuzen ere, haren apustu solidarioa sarituko du Gastronomikak.
