Maiatzaren 11n denda guztiak ireki ahal izango dituzte Ipar Euskal Herrian

Ostalaritzak, ordea, itxaron egin beharko du. Egun horretan haur hezkuntzako eta lehen hezkuntzako ikasleak eskolara itzultzen hasiko dira, eta hurrengo astean, bigarren hezkuntzakoak.

Liburudenda Ipar Euskal Herrian. Argazkia: EiTB

agentziak | erredakzioa

publikatuta: 2020/04/28 16:42 (UTC+2)

azken eguneratzea: 2020/05/05 12:27 (UTC+2)

Merkataritza sektoreak ateak irekiko ditu maiatzaren 11n Frantziako estatuan, orduan hasiko baita koronabirusaren deseskalatzea deritzona. Haurrak ere egun horretatik aurrera hasiko dira ikasgeletara itzultzen. Jatetxe eta tabernek, berriz, gehiago itxaron beharko dute.

Edouard Philippe Frantziako lehen ministroak Asanblada Nazionalean iragarri duenez, dendek bezeroen arteko metro bateko distantzia zaindu beharko dute, eta horretarako mugatu egin beharko dute establezimendu barruko bezero kopurua.

Ikastetxeei dagokienez, haur hezkuntzako eta lehen hezkuntzako ikasleak maiatzaren 11n bertan hasiko dira eskolara itzultzen, eta bigarren hezkuntzako lehenengo bi mailetako ikasleen itzulera maiatzaren 18an hasiko da. Bigarren hezkuntzako azken bi mailetako eta batxilergoko ikasleen kasua maiatza bukaeran aztertuko dute.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.

Hau zure interesekoa bada, baliteke beste gai hauek ere izatea

Iparraldea Frantzia Gaixotasunak Gizartea Eguneko albisteak Albisteak Osasun albisteak Koronabirusa Deseskalatzearen azken ordukoa

Maiatzaren 11n denda guztiak ireki ahal izango dituzte Ipar Euskal Herrian

Esteka kopiatuta