Ehiztari bat larri zauritu da Castejonen, toraxean tiro bat jasota

38 urteko ehiztari bat larri zauritu da Castejonen, argitu gabeko arrazoiengatik, toraxean tiro bat jasota. Ezbeharra 16:18ean jazo da, La Maganchan. Han bertan tiroa bota duen eskopeta aurkitu dute.

Zaurituarekin zihoan beste ehiztari bati lesio-delitua egotzi dio Foruzaingoak, eta deklarazioa hartu dio, nahita edo nahigabe tiro egin duen argitzeko asmoz.

Zauritua Nafarroako Ospitalera eraman dute, helikopteroz. Foruzaingoko agenteak zonaldea miatzen egon dira, ingurugiroko, herri-babeserako eta polizia judizialeko patruilarekin batera. Gainera, Udaltzaingoa eta anbulantzia medikalizatu bat ere mobilizatu dituzte.