Espainia 'ebolatik libre' dagoela esan du Munduko Osasun Erakundeak

Munduko Osasun Erakundeak (MOE)  Osasun Ministerioari gaur jakinarazi dionez, "Espainia ebola birusetik libre geratu da gaur ofizialki".

Teresa Romero erizain laguntzaileari egindako ebolaren bigarren frogaren emaitzak kaleratu eta 42 egunera etorri da Munduko Osasun Erakundearen oharra:  Romeroren odolean ez zegoela birusaren aztarnarik baieztatu zen bigarren froga horretan. Halaber, Madrilgo Carlos III.  erietxean  zaintzapean dagoen  Mugarik Gabeko Medikuen elkarteko kideak ere ebola sintomarik ez duela baieztatu ondoren igorri du jakinarazpena MOEk

Jakinarazpen horren arabera, Espainian ez dago ebola kutsatzeko arriskurik; ebola gaixotasuna izan duten edo birusa izan dutenekin harremanetan egon diren pertsonen beharrezko zaintza epeak bete direla esan du osasun erakundeak.

Mugarik Gabeko Medikuen elkarteko osagile nafarrak, bien bitartean, Carlos III. erietxean jarraitzen du ingresatuta.