Gizartea -
Osasun Batzordea
Abortuak osasun publikoan egitea eskatu du Nafarroako Parlamentuak
Ekimenak Bildu, Aralar-Nabai, Izquierda-Ezkerra eta PSNren babesa jaso du. UPNk eta PPk, berriz, kontra bozkatu dute.
Erredakzioa
Abortuak osasun sare publikoan egitea eskatzen duen ebazpena onartu du astearte honetan Nafarroako Parlamentuko Osasun Batzordeak. Ekimenak UPNren eta PPren kontrako botoak jaso ditu.
Ebazpenak, Legea eta Nafarroako Kontuen Ganberaren aholkuak aintzat hartuta, "abortuak osasun sare publikoko instalazioetan egiteko" eskatzen dio UPNren Gobernuari. Bildu, Aralar-Nabai, PSN eta Izquierda-Ezkerraren babesa jaso du.
PSNk aurkeztutako ebazpenak, "Legeak jasotzen duen eskubidea" dela azpimarratzen du. Halaber, ebakuntzen kostua osasun sare publikoan merkeagoa dela nabarmentzen da bertan.
