Ekonomia -

MAIATZAREN LEHENA

Hiru pertsona identifikatu dituzte Donostian, lokal bat okupatzen saiatu direnean

Jardun Koordinadorak hartu du bere gain ekintza. Azaldu duenez, Maiatzaren Leheneko manifestazioaren amaieran ahalegindu dira Alde Zaharreko lokal bat okupatzen.

Donostia, gaur. Argazkia: Jardun Koordinadora.
Donostia, gaur
Donostia, gaur. Argazkia: Jardun Koordinadora.

EITB MEDIA

Whatsapp Facebook Twitter Telegram Email

Hiru pertsona identifikatu ditu Ertzaintzak gaur Donostian, lokal bat okupatzen saiatu direnean. Agintaritzari desobedientzia delitua egotzi diete.

Eusko Jaurlaritzako Segurtasun Sailak jakitera eman duenez, 14:00etan izan dira identifikazioak, Jauregi Jenerala kalean.

X sare-sozialean zabaldutako argitalpen batean, Jardun Koordinadorak bere gain hartu du ekintza. Azaldu duenez, Maiatzaren Leheneko manifestazioaren amaieran ahalegindu dira lokal bat okupatzen. "Okupazio hau izaera sinbolikoko ekintza izatetik haratago, langile klaseak bere alternatiba propioak eraikitzeko ekintza bat da", idatzi dute.

Hau zure interesekoa bada, baliteke beste gai hauek ere izatea
Donostia Ertzaintza Gipuzkoako albisteak Delituak Langileen nazioarteko eguna Ekonomia Eguneko albisteak Albisteak