Ekonomia -

NEGOZIAZIOAK

BBVAren eta Sabadellen arteko balizko bat-egiteak 1.500 langile baino gehiagori eragingo lieke Euskadin

Sortutako entitatea berregituratzeko aukera handia dagoenez, eta xehetasun gehiago jakin ezean, logikoa da pentsatzea bat-egiteak ondorioak izan lezakeela langileen eta bulegoen kopuruan.

Sabadell eta BBVA bankuen egoitzak. Argazkia: EFE.
Sabadell eta BBVA bankuen egoitzak
Sabadell eta BBVA bankuen egoitzak. Argazkia: EFE.

EITB MEDIA

Whatsapp Facebook Twitter Telegram Email

BBVA eta Sabadell berriro eseriko dira 2020an planteatutako bat-egitea negoziatzeko, baina azkenean ez zen gauzatu. Oraingoz, bi bankuek Balore Merkatuaren Batzorde Nazionalari jakinarazi diote "bat-egite posible bat aztertzeko interesa" dutela.

Mugimendu korporatibo horrek, zehaztuz gero, Espainiako banku-egoera aldatuko du berriro, eta ondorioak izango ditu langileentzat. Euskal Autonomia Erkidegoaren (EAE) kasuan, bategitetik sortuko litzatekeen bankuak 1.500 langile inguru izango lituzke guztira. Gainera, balizko batasun horren emaitza 338 bulego izango lirateke guztira EAEn.

Sortutako entitatea berregituratzeko aukera handia dagoenez, eta xehetasun gehiago jakin ezean, logikoa da pentsatzea bat-egiteak ondorioak izango dituela langileen eta bulegoen kopuruan. Horregatik, CCOO Euskadi kezkatuta agertu da, eta negoziazioan lan-baldintzak bermatzeko eskatu du dagoeneko.

CCOO Euskadi kezkatuta dago BBVAren eta Sabadellen arteko balizko bat-egitearen doikuntzekin
CCOO Euskadi kezkatuta dago BBVAren eta Sabadellen arteko balizko bat-egitearen doikuntzekin
CCOO Euskadi kezkatuta dago BBVAren eta Sabadellen arteko balizko bat-egitearen doikuntzekin

0:56

2015ean, krisi ekonomikoa gertatu eta gutxira, 40 entitate ezberdinek bulegoak zituzten Hego Euskal Herrian. Bederatzi urte geroago, kopuru hori 27ra jaitsi da, Espainiako Bankuak jasotako datuen arabera.

Horrez gain, gaur egun hamar sukurtsaletik zortzi bost entitateren esku daude: Caixabank, Kutxabank, Nafarroako Rural Kutxa, Laboral Kutxa eta BBVA. Zehazki, sukurtsalen % 80,8 bost erakunde horien esku dago, eta datu hori % 71,1ekoa zen 2015ean.

Hala, Caixabankek Hego Euskal Herriko banku-bulegoen % 20,5 ditu, Kutxabankek % 19,58, Nafarroako Rural Kutxak % 16,6, Laboralek % 14,92 eta BBVAk % 9,17.

Kutxanbank da portzentaje handiena duena Bizkaian, Gipuzkoan eta Araban; Caixabank, berriz, Nafarroako sukurtsalik ohikoena da.

2015 eta 2023 artean, Banco Popular, Bankoa edo Bankia bezalako bankuak desagertu egin dira gure kaleetatik, nahiz eta besteren bat, Unicaja edo Singular Bank adibidez, berriak izan.

Baina gure herrietan presentzia duten bankuen kopurua nabarmen murriztu izanaren arrazoietako bat azken urteetako bat-egite ugariak izan dira.

Grafiko honetan mugimendu horiek guztiak jasotzen dira, 2007tik gaur arte:

Eitb Media

Hau zure interesekoa bada, baliteke beste gai hauek ere izatea
Euskal Autonomia Erkidegoa BBVA berriak Ekonomia Eguneko albisteak Albisteak CCOO