Ekonomia -

PROTESTA

Euskotreneko langileek ere greba egingo dute martxoaren 19an, erasoak salatzeko

Hala, Bizkaibuseko langileek deitutako grebara batu da Euskotreneko plantilla. Erabiltzaileek langileei egindako erasoak geroz eta gehiago eta geroz eta larriagoak direla salatzen dute.

Euskotrenen Durangoko geltokia. Artxiboko irudia.
Euskotrenen Durangoko geltokia.
Euskotrenen Durangoko geltokia. Artxiboko irudia.

EITB MEDIA

Whatsapp Facebook Twitter Telegram Email

Euskotreneko plantillak bat egin du Bizkaibusek martxoaren 19rako deitutako lanuztearekin, langileek euren lantokian pairatzen dituzten erasoak salatzeko. ELA, LAB, CCOO, UGT eta CGT-ESK sinkatuek aho batez erabaki dute deialdira batzea. Diotenez, beharginen aurkako eraso fisikoak eta hitzezkoak "behin eta berriz" errepikatzen ari dira eta horien "larritasuna areagotu" egin da azkenaldian.

Isusko Flores (ELA) Euskotrenen langile batzordeko idazkariak azaldu du bere egiten dituztela Bizkaibusek lanuzterako mahai gainean jarritako arrazoiak. EAE osoan Euskotrenek eskaintzen dituen zerbitzuetako langile guztiak daude grebara deituta.

Bizkaibusen greba deialdiaren berri eman zutenean, UGT, ELA, CCOO, USO eta LAB sindikatuek azaldu zuten beste garraiobideetan ere (Bilbobus, Metro Bilbao eta Euskotren) erasoak eguneroko kontua direla, eta dei egin zieten horietako beharginei, grebarekin bat egiteko.

Sindikatuon arabera, urteak daramatzate "eraso fisikoen gorakada" eta "irainen normalizazioa" salatzen, baita "errespetu faltak" ere.

 

Hau zure interesekoa bada, baliteke beste gai hauek ere izatea
Bizkaia Grebak Metro Bilbao bideoak Ekonomia Bizkaibus Eguneko albisteak Albisteak Euskotren Sindikatuak Garraio publikoa