Mundua -
ENERGIA KRISIA
Sanchez Scholzekin bilduko da datorren asteartean, eta Macronen Pirinioetako konexioaren babesa bilatuko du
Macronek, bere aldetik, ostegun honetan hiru egunetako bisita hasi du Aljerian, eta gasa landuko dituzten gaietako bat izango da. Frantziak Aljeriako gasa Medgazen bidez lortzen du, eta Euskal Herriko bi gasbidetik bideratzen da.
AGENTZIAK | EITB MEDIA
Espainiako presidentea, Pedro Sanchez, Alemaniako kantzilerrarekin, Olaf Scholzekin, bilduko da datorren asteartean. Bi agintariek Pirinioetako gasaren interkonexioa defendatzen dute, horregatik, Emmanuel Macron Frantziako presidenteak plana babes dezan saiatuko dira.
Sanchezek Latinoamerikan egiten ari den biran adierazi du Europar Komisioak jada lehenesten duela gasaren bide hori bere etorkizuneko planetan, eta Alemaniak emandako sostengua eskertu du.
Hala ere, Frantzia bide horren aurka egoten jarraitzen du. Horregatik, Sanchezek ziurtatu du, Frantziak konexioa aitortu ezean, Komisioak beste plan bat duela mahai gainean: Espainia eta Italia lotzen dituen beste interkonexio energetiko bat.
Macron, bere aldetik, ostegun honetan hiru egunetako bisita hasi du Aljerian, eta gasa landuko dituzten gaietako bat izango da. Frantziak Aljeriako gasa Medgazen bidez lortzen du, eta Euskal Herriko bi gasbidetik bideratzen da.