Renfek gaur irekiko du doako abonuak eskatzeko erregistroa

Renfek erregistroa irekiko du gaur, astelehena, bere webgunean eta aplikazioan, abuztuaren 24tik aurrera, aldiriko, Rodalies eta Media Distancia izeneko doako abonuak eta Avanten % 50eko deskontuarekin abonuak eskatu ahal izateko.

Renfek aldiriko hainbat linea ditu Euskadin: Bilbo-Santurtzi, Bilbo-Muskiz eta Bilbo-Urduña. Nafarroaren kasuan, hiriburua Gasteiz, Burgos, Tutera eta Zaragozarekin lotzen duten 200.000 bidaia ingururi mesede egin liezaieke.

Enpresako iturriek zehaztu dutenez, neurriaren helburua erabiltzaileak garaiz erregistratzea da, abuztuaren 24tik aurrera eta neurriaren indarraldi osoan, irailaren 1etik abenduaren 31ra bitartean, alegia, online abonuak erosi eta fidantzak ordaintzeko aukera izan dezaten.

Gaurtik aurrera, Renferen webgunean eskuragarri egongo da ohiko abonuak eskatu eta erabili ahal izateko behar den informazio guztia.

Abonua eskuratzeko, erabiltzaileak 10 euro aurreratu beharko ditu fidantza gisa. Abonu horien doakotasuna indarrean egongo den lau hilabeteetan erabiltzaileak 16 bidaia (lau hilean) baino gehiago egin baditu, Renfek fidantza itzuliko du hura erosteko erabilitako ordainketa metodo beraren bidez.

Hobari hori energia aurreztea sustatzeko Espainiako Gobernuak onartutako neurrietako bat da, eta horien artean dago eraikin publikoetako tenperaturaren muga ere.