Espainiako Gobernuak ia 10 milioi pentsio eguneratuko ditu asteartean

Pedro Sanchez PSOEko idazkari nagusi eta Espainiako Gobernuko presidenteak larunbat honetan iragarri duenez, datorren asteartean ia 10 milioi pentsio eguneratuko ditu Ministroen Kontseiluak, 2022rako. 6.500 milioi euro bideratuko dituzte gai horretara.

Adibide gisa, adierazi du 2017ko 637 euroko pentsio minimo batek 646 euro kobratuko lituzkeela aurten, PPk diseinatutako ereduarekin. Berriarekin, ordea, hileko 720 euro kobratzera igaroko da, erreforma aurretik baino 74 euro gehiago.

Batez besteko pentsioen edo alarguntza pentsioen kasuan, esate baterako, duela lau urte kobratuko lituzketen 649 euroen aurrean, 711 izango dira aurten. 2017an 1.071 eurokoa izango litzatekeen batez besteko erretiro-pentsio batean, berriz, 1.112 euroraino areagotuko litzateke; unean indarrean dagoen popularren ereduko 1.085 euroen gainetik.

Gijoneko erakusketa azokako entzunaretoan edukiera murriztuarekin izan den PSOEren ekitaldi politiko batean iragarri du Sanchezek erreforma.