Ekonomia -
Industria
CAFek 15 tranbia egingo ditu Lisboarako, 43 milioi euroko kontratu batekin
Konpainiaren arabera, kontratu horrek sendotu egiten du tranbien eta hiriko mugikortasun iraunkorraren sektorean duen nagusitasuna.
agencias | eitb media
CAF konpainia gipuzkoarrak 15 tranbia egingo ditu Lisboako Companhia Carris de Ferrorentzat, eta bost urtez mantenu lanak hartuko ditu bere gain, 43 milioi euroko kontratu baten truke.
CAFek prentsa ohar batean jakinarazi duenez, Portugalgo hiriburuko tranbia berriak 15. linean mugituko dira, Tajo ibaiaren bokalearekiko paraleloan, hiriko gune turistiko nagusiak lotuz.
90eko hamarkada erdialdean, CAFek linea horretan erabiltzen ari diren tranbia artikulatuen erdiak ekoiztu zituen. Hori horrela, tranbia berriek 15. lineako garraioaren eskaintza handituko dute.
Enpresaren arabera, kontratu horrek sendotu egiten du tranbien eta hiriko mugikortasun iraunkorraren sektorean duen nagusitasuna.
