Ekonomia -
Eustaten datuak
BPG per capita altuena duten EBko zortzi herrialdeen artean dago Euskadi
2017an, Europako batezbestekoa 21 puntutan gainditu zuen, Eustatek asteazken honetan argitaratutako datuen arabera.
EiTB.EUS
Erosteko ahalmenaren parekotasunean neurtuta, Euskadiren BPG per capita 121ekoa zen 2017an. Horrek esan nahi du Europar Batasuneko zazpi herrialdek soilik zutela BPG per capita altuagoa, Eustat Euskal Estatistika Institutuak argitaratutako datuen arabera. Kontuan izan behar da EBko gainerako 27 herrialdeetan bezala, neurketak egiterakoan, 100 balioa erabili dutela Euskadin ere.
2013-2017 denboraldian, garapen positiboa izan du, beraz, Barne Produktu Gordinak. Izan ere, 2013an 117koa izan zen; 2014an eta 2015ean 119koa; 2016an 120koa eta 2017an 221ekoa.
Erosteko ahalmenaren parekotasunak herrialde ezberdinen arteko alderaketa egiteko aukera ematen du, betiere, tokian-tokiko bizi-kostuan oinarrituta, eta Barne Produktu Gordina aintzat hartuta.
Esan bezala, zazpi herrialde kokatu dira Euskadiren aurretik ranking horretan: Luxenburgo (253), Irlanda (184), Austria eta Herbehereak (128 horietako bakoitzak), Danimarka (125), Alemania (123) eta Suedia (122).
Euskadiren atzetik daude, bestalde, Belgika (117), Finlandia (109), Erresuma Batua (105), Frantzia (104), Italia eta Malta (96) eta Espainia (92).Zerrenda horretan azkenak dira Grezia (67, Letonia (67), Errumania (63), Kroazia (61) eta Bulgaria.
