Oñati

Malen Osa oñatiarrak azken urtean profesional gisa emandako jauzia azpimarratu du. Udako erronkei begira, neguan prestakuntzarekin jarraituko du.

Sahid 11 urterekin iritsi zen Oñatira Pakistandik. Iritsi zenean ez zekien euskaraz hitz egiten, baina, ikasi egin zuen eta euskara irakaslea da gaur egun.

Amaia Diaz de Monasteriogurenek, Amaia nutrizio zentroko nutrizionistak, hainbat aholku eman dizkigu udazken honetan ere osasuntsu jarraitzeko. Esaterako, jakiaren etiketari begiratzen badiogu eta bost osagai baino gehiago baldin baditu, kontuz ibiltzeko gomendatu digu Sukalerrian saioan.

Ilargia Lurretik gertu egon denez, ilargi betea ohi baino handiagoa eta distiratsuagoa izan da. Iraileko superilargiarekin batera, 2024ko bigarren ilargi-eklipse partziala ikusi ahal izan dugu, partzialki izan bada ere.  

Barne-diseinatzailea da Andrea Azkoaga, eta etxeak goitik behera berritzen ditu bezeroak eskatutakoaren arabera. Denda-estudio bat du Oñatin, baina amarekin ere elkarlanean lan egiten du. Proiektu atenporalak eta funtzionalak egiten dituzte, pozik dauden etxeak.

Igone Ugarte familiako hirugarren belaunaldia da bizartegia zuzentzen; Oñatin dauka Igone Barbeixia. Dioenez, oso emakume bizargin gutxi daude; normalean, emakumeentzako ile-apaindegiak izaten dituzte, eta gizonei ere mozten diete ilea. Bezero fidelak ditu.

Iker Plazaola "patetismoaren gudaria"k iragarri du bere umorezko bakarrizketan ez zela talde zaurgarriekin sartuko; izan ere, ama beltza du, aita burusoila eta bera Oñatikoa; behintzat, gurasoak ez dira lehengusuak. Bere familia eta bere tontotasuna eta enpatia falta ere izan ditu hizpide.

Egunero egiten dio bisita Josuk 90 urteko amama Begoñari. Harreman estua dute biek. Josuk elizara laguntzen dio, eta Begoña dagoeneko ohitu da bilobaren orrazkera punki-ra eta ia gorputz osoa estaltzen dizkioten tatuajetara.

Elorregiko elizaren atarian topatu du Pagadik Karlos Ostolaza apaiza. Ruandan, "capital Kigalin", 11 urte egin zituen misiolari Karlosek, eta bertako hizkuntzan agurtu du Mikel. Zumaiarra sortzez, 34 urte daramatza Bergaran apaiz lanetan.

200 bat autobus igarotzen dira egunero Elorregi auzotik. Duela lau urte Jon Mujikak autobus-kafetegia sortzeko ideia izan zuen, eta harrera bikaina izan du. Are gehiago, auzoan sakabanatuta dauden baserrietako bizilagunek elkar ezagutu dute Sanprubusari esker eta koadrila osatu dute.

15 urteko bederatzi neskak osatzen dute Oñatiko Hamarratz erromeria taldea. Ilargi Agirregabiriak eta Lur Biainek diotenez, ondo pasatzeko eta musika espresatzeko modu bat da erromeria. Beraiek ere erromeria taldeekin gozatzen dute. Azaldu dute musika eskolatik sortu zela taldea.

Azkenik, Euskal Herriko bazter altuenak zurituta daude, eta eskiatzaileek elurraz gozatzeko aukera izan dute. Ibai Idiakezek Tellakaskueta inguruan, Arantzazun, grabatutako bideoa.

Maialen Madinak eta bere bikoteak artzai eskolan ikasi eta 2010ean artaldea erostea erabaki zuten. Ardi latxa mutur gorriak dituzte eta Aloña mendian ibiltzen dira, neguan Oñatira jeitsi aurretik. Urtarriletik ekainera bitartean egiten dituzte gaztak, hainbat azoketan saltzen dituzte.

Elurra, aurten, kostata iritsi dela ondo daki Javier Larralek. Urbiara igotzen da egunero, puntan dituen neurgailuak bisitatu eta datuak gordetzera. Tenperatura, prezipitazioak edo elur maila neurtzen ditu. 2008an hasi zen denbora-pasa honekin, eta ordutik, ondo igarri du klima aldaketaren eragina.

Arrasate, Oñati eta Bergara artean dago Elorregi auzoa, eta bertan topa dezakegu Sanprubusa. Jon Mugica jabeak azaldu digunez, bi urte behar izan zituzten food truck erraldoi hau martxan jartzeko. Arrakasta handia du, autobus geltokia baitago han, baita Debagoiena zeharkatzen duen bidegorria ere.

Arantzazuko frantziskotarren inguruko pelikularen aurrestreinaldia Zinebiren Bertoko Begiradak sailaren barruan egingo dute, Bilbon. Pello Sarasua zuzendariak eta Naiara Goia Arantzazulab-eko zuzendari nagusiak azaldu dutenez, gizartearekin konpartitu nahi dute fraideek emandako guztia.

Aiert Alberdi musikari oñatiarra izan du Joseba Arguiñanok gonbidatu moduan. Bakarlaria da bera eta bere kantu bat eskaini digu.

Urtero milaka euskal zale joan izan ohi dira Pirinioetara Frantziako Tourreko etapak zuzenean ikustera. Aurten, lasterketa euskal errepideetatik igaroko da eta oso edizio berezia izango dela onartzen dute.

Oñatin, Pottokaleku ezagutu dute Maiderrek eta Irunek. Bertan, zaldiekin terapia saioak egiten dituzte, eta Maitane Lete eta Luka haren semea ezagutu dituzte. Autismoa du 4 urteko mutikoak, eta ekinoterapiak nola laguntzen dion ikusi dugu Jon Elorza Pottokalekuko arduradunarekin.

Haserrea erakutsi dute gurasoek Oñatiko elkarretaratzean. Zazpi familia gelditu dira haurrak aurrematrikulatu ezinik Txantxiku ikastolan, tartean zentroarekin harreman estua duten batzuk. Matrikulazio eskaerak, eskainitako plazak baino gehiago izan dira baita ere Arrasateko Arizmendi ikastolan.

Arrizabalagak eta Osesek jantzi diuzte txapelak Binakako Txapelketako finalean Amaia Aldai eta Nora Mendizabal mendean hartuta 22-14ko emaitzarekin.