Lapurdi

Ehunka lagun bildu dira arratsaldean Baionan, Mari Domingiri eta Olentzerori harrera egiteko. Urtero legez, itsasontziz heldu dira Lapurdiko hiriburura eta bertan "argia eta euskara" hedatu ahal izan dituzte.

Sarako (Lapurdi) Eskutik kooperatiba barrutik ezagutu dugu "Helmuga" saioan. Pilotak, zestak eta xisterak nola egiten dituzten azaldu digute. Lanbideak urteetan zehar irautea nahi dute, eta horrexegatik ari dira lanean.

Abenduaren 8ko "Helmuga" saioan Eskutik kooperatibako zestagileak izango dira protagonista. Zesta-puntako saskiak egiten dituzte, eta gertutik ezagutu dugu haien lana. "Helmuga", igande honetan izango duzu ikusgai, 11:30ean, eitb.eus-en eta ETB1en.

Manifestazio jendetsua izan da gaur arratsaldean Lapurdiko hiriburuan, Emakumeen aurkako Indarkeria Desagerrarazteko Nazioarteko Eguna dela eta.

Senpereko Zaldubi ikastolako Julenek arrebarentzat eskatu du ametsa. Gaixotasun oso arraroa du eta ikerketan laguntzeko dirua bildu nahi du. Horretarako, Goazen!en kontzertua egin du.

Gexanek lehengusua zoriontsu izatea nahi du. Gexaneren ametsa burutzeko, Aviron Bayonnais taldearen entrenamendu batera joan dira.

Maienak egunero ikusten ditu gurasoak baserrian lan egiten, eta oporrak izan ditzaten oparia egin nahi die. Donostiara joan dira asteburupasa, eta baserriko lan gogorrak bazter batean utzi ahal izan dituzte.

Senperen izango da Xabier Madariaga aste honetan, bertako haurren ametsak betetzeko asmoz. Ez ezazu galdu Ametsen Arbola, igandean, 21:00etan, ETB1en eta eitb.eus-en.

Antolatzaileek adierazi dutenez, erleek elkarrekin lan egiten dute eta komunitatean bizi dira, eta, beraz, aurtengo leloak ondo-ondo islatzen du esan nahi dutena.

Osteguneko euriteei itsasgora batu zaie, eta Errobi eta Aturriko arroek ezin izan diote eutsi emariari. Ondorioz, urak bigarren egunez jarraian hartu ditu Baionako erdiguneko toki ugari, baita normalean ura iristen ez den eremuak ere.

Atzoko prezipitazioengatik ibaiak oso hazita zihoazen, eta itsasgorarekin ezin izan diote eutsi horrenbesteko ur emariari. Erreketatik ez ezik, estoldetatik ere atera da ura.

Aztik euskal kostaldea kontrolatzen du. Horretarako, ekaitz eta korronteei aurre egiteko alerta sistemak erabiltzen ditu, eta epe luzera begira baliagarriak izan daitezkeen datuak biltzen ditu.

Ipar Euskal Herrian turista gehien erakartzen dituen atrakzioa da Larhungo trena. Inguruko erakundeek sektoreen arteko elkarbizitza sustatzeko ekimenak jarriko dituzte martxan.