Jaiak 2020

Farolin, Zaranbolas eta Jai Batzorde Mistoaren ordezkariak buru direla, musikari, bertsolari, dantzari eta zirkuko artisten segizioa izan da Sardinaren agurrean.

Lantzeko bizilagun gazte honek urteak zeramatzan Ziripoti bizia emateko asmoz, baina aurten arte ez da ausartu. Zoruaren kontrako kolpeen ondorioz lepoan agujetak dituen arren, Maialen "hunkituta" agertu da.

Momoxarroak dira Urdiaingo inauterietako pertsonaia nagusiak. Hiru egunez ospatzen dira ihauteak Sakanako herri honetan: larunbatean manta-eguna da pertsonaia nagusia, eta igandean eta asteartean momoxarroak ateratzen dira. Makilekin ibiltzen dira kaleetatik herritarren atzetik.

Duela sei urte jaio zen Iruinkokoa, kultur elkarteek elkarlanean sortutako festa. Koko beltzak eta koko zuriak ditu protagonista, eta horiekin batera dantzariak, bertsolariak eta musikariak ateratzen dira Alde Zaharreko kaleetara.

Tolosako Zaldunita eguna Dianarekin hasi da. Txarangak entzun orduko, bata, pijama eta txapinak jantzita atera dira kalera tolosarrak, eta horrekin lehertu da mozorroen festa handia.

Udalak (segurtasun eta zarata arrazoiak tarteko) parte-hartzaile kopurua mugatu badu ere, 7.000 gasteiztar inguru izan dira inauterietako desfilean.

Hotzari aurre eginez, milaka donostiar kalera atera dira larunbat honetan inauteriak ospatzera. Hiriaren erdiguneko kaleetan, desfile ikusgarria egin dute irudimen handiarekin egindako mozorro landuak erakutsiz.  

Kale Nagusiak argia, musika eta kolorea izan ditu protagonista larunbat arratsaldean konpartsen eta Bilboko kuadrillen desfileei esker.

Bilbon, Farolin eta Zaranbolas goizetik ibili dira kalean; Donostian, Momo jainkoak eta Eneko Goia alkateak boterea eskualdatu dute, eta Gasteizen, estreinakoz, pintoreen buruhandia atera da kalejiran.

Bingen Zupiriak nabarmendu du Ertzaintzak herritarren segurtasuna zainduko duela Tolosako inauterietan. "Ertzainek prebentzio-lanak eta berehala jarduteko lanak egingo dituzte, edozein motatako delituak saihesteko eta pertsonen segurtasuna une oro bermatzeko", gaineratu du.

200 lagunetik gora atera dira gaur. XIX. mendean artzainak menditik jaitsi eta hirian umeak zaintzen aritzen ziren inudeekin elkartzen zirenekoa gogoratu dute horrela.

Hungariatik etorri berri, Alde Zaharra hartu dute. Kazolak, zartaginak eta mailu txikiak eskuetan zituztela, tradizioak agindu bezala, Konstituzio plazan kanpamentua jarri, aho batez Sarriegiren doinuak abestu, dantzatu eta hiria alaitzen aritu dira.

Txinako jai garrantzitsuena da. Txinatar jendeek familiarekin biltzeko bidaiatzen dute, eta joan-etorri masiboko egunak izaten dira.

38 ikastetxe eta elkartetako 45 konpainiatan antolatuta, Alderdi Ederren desfilatu dute, Ander Alustiza Amassorrain Ikastolako Danbor Nagusia buru izanda.

Gipuzkoako hiriburuko patroiaren egun handia ospatzen ari dira milaka donostiar. Danbor hotsak gauerdian hasi ziren, eta egun osoan zehar jarraituko dute hiriko txoko guztiak betzen.

Donostian bezala, gauerdian lehertu da 24 ordu iraungo duen festa Azpeitian. Danbor hotsak inoiz baino ozenago entzun dira Azpeitian, festa hasierako danborradan 31 konpainiak eta 1.600 pertsonak parte hartu baitute. San Sebastian egunez, umeen danborrada 12:30ean hasiko da.

Gauerdian lehertu da festa Konstituzio Plazan. Aurten, 22.908 helduk eta 5.000 haurrek desfilatuko dute egun osoan zehar Donostiako kaleetan, danborra jo eta jo.

150 lazkaotarrek hartu dute parte Bibliako pasartearen antzezlanean. Astoa da protagonista, Jesusen familiak asto gainean ihes egin zuelako. Aitzakia horrekin, Enkarterriko asto lehiaketa ere egiten da.

Eskalerikaren lehen maila Leire Ruiz Ganuza eta Txori Garcia Uriz aktoreen pregoiarekin igo dute, Udaletxe plazan. Ondoren, kalejira egin dute Antoniutti parkeraino, eta su piromusikalen erakustaldia izan da bertan.

Udalbatza atera da, San Saturnino elizara joan eta Iruñeko patroi santuaren omenezko prozesiora joateko; hiriko alde zaharreko kale batzuk zeharkatu ditu, Erraldoi eta Buruhandien konpartsarekin batera.

Urriak 23 dituen honetan ospatzen dugu San Severino eguna, eta Balmasedako kaleetan babarrun usaina dago, bertako errezetarik tradizionalenak ekarrita. Goizean goizetik, ehunka kuadrilla sukalkia prestatzen dihardute, putxeren epeltasuna lagun.

Maritxu Kajoi txikiteroen jaia da, 1977tik urtero urriko lehen ostiralean ospatzen dena. Ohitura da arropa dotorez janztea eta eskapulario bat zintzilik eramatea.

Udazken hasierako azoka eguna izan dute gaur Garesen, eta, horren baitan, laia txapelketa egin dute; 40. edizioa da aurtengoa. Garai batean nekazariek lurra goldatzeko erabiltzen zituzten laia parearen gainean egin dute korrika, karrika nagusiaren punta batetik bestera.

Ehunka iruindarrek hartu dute parte Alde Zaharrean egin duten ospakizunean. Erraldoi eta buruhandiak, La Pamplonesa eta Duguna dantza taldea ere izan dira bertan.

Pirinioetatik artaldeen etorrera ospatzen du Erdi Aroko tradizio honek, eta udazkenean eta neguan Bardean izango direla. Egun osorako jai egitaraua dute Zarrakaztelun: kalejira, azoka tradizionala eta musika, besteak beste.

Carlos Ardanaz alboko esklerosi amiotrofikoa duen gaixoak piztu du jaiak abiatzeko suziriaren metxa, baina bertan egin du eztanda, udaletxeko balkoian.

Euskal jaiek 100 urte betetzen dituzte aurten eta, horren harira, egitarau betea dute goizean goizetik: dantzariak, herri-kirolak eta bertsolariak, besteak beste. Mendeurrena ospatzeko ekitaldirik nabarmena euskal jaien inguruko argazki erakusketa bat izango da.

Maider Etxebarria alkatea buru duen Udalbatzak Gasteizko udalerria mugatzen duten 38 mugarriak bisitatuko ditu, 11 kilometroko ibilbidean, duela 500 urte baino gehiagoko ohitura administratiboari jarraituta.