Grezia

Milaka herritar kalera atera dira Greziako 250 hiri baino gehiagotan 57 pertsona hil ziren tren istripuaren bigarren urteurrenean. Gobernuak izandako jarrera salatu dute.

Adituen esanetan, azken egunetako jarduera sismikoak ez du zerikusirik Santoriniko sumendiarekin, baizik eta inguruko urpeko failekin. Datuek adierazten dutenez, dardara horiek "multzo sismikoak" dira, eta horrek esan nahi du ez dela handiagorik espero.

Dozenaka lurrikarak, 4,9ko indarrekoak batzuk, Santorini eta Amorgos uharteak astindu dituzte azken egunotan. Agintariek prest egoteko eta jarraibideak betetzeko eskatu diete herritarrei. Turistak uhartea uzten ari dira.

Erresuma Batua, Frantzia, Alemania, Grezia, AEB, Siria, Arabiar Emirerri Batuak, Ipar Korea edo Brasil. Planetako hainbat herrialdetan 2024ari agur esan eta 2025ean nola sartu diren ikusteko ibilaldia egin dugu. Hemen irudirik onenak.

Dani Garcia Olympiacoseko jokalariak eta Eibarko zein Athleticeko futbolari ohiak elkarrizketa egin du EITB Median. Grezian daramatzan lehen hilabeteei buruz hitz egin du. Horrez gain, Athleticez ere mintzatu da, eta San Mamesen jokatuko den Europa Ligako finalari ere erreferentzia egin dio.

Baso-sute handiak 40 kilometroko frontea du, eta Atenas iparraldera hurbiltzen jarraitzen du. 50.000 pertsona inguru ebakuatu behar izan dituzte, eta Gobernuak Europar Batasunari laguntza eskatu dio dagoeneko 10.000 hektarea kiskali dituen suari aurre egiteko.

Dagoeneko 50.000 pertsona ebakuatu dituzte Grezia kiskaltzen duten suteetan, kontrolik gabe eta azkar hedatzen den sua. Sua Atenasera hurbiltzen ari da, eta agintariek aireko eta lurreko baliabideak eskatu dizkiote Europar Batasunari.

560 suhiltzaile baino gehiago ari dira lanean 30 kilometroko luzera duen sutea itzaltzeko. Ke handiaren zutabeak ikusgai dira Akropolian, Greziako hiriburuan.

Cellas Art and Fashionek eta Zaporeak GKEak bat egin dute helburu solidarioa duten ardo, cava eta txakolin botila bitxiak sortzeko. Arguiñano, Subijana, Ágatha Ruiz de la Prada... dira ekimen honekin bat egin duten sortzaileetako batzuk.

Turkian, gutxienez 14 hildako izan dira eta dozenaka zauritu. 45º-ko tenperaturak izaten ari dira Turkiako leku askotan, eta hori itzaltze lanak zailtzen ari da. Grezian 70 sute baino gehiago izan dira, gehienak, nahita piztutakoak.

Manix Mandiolaren Peñak Jose Luis Mendilibar omentzeko afaria antolatu du. Mendilibarrek Conference Leaguea irabazi du Olympiacosekin, eta, iaz Europa Leagueko txapeldun izan zen Sevillarekin. Zaldibarkoak EITB Mediarekin hitz egin du Grezian bizitakoari buruz.

Super Amararen laguntzarekin, Zaporeak gobernuz kanpoko elkarteak elikagai bilketa antolatu du Donostian gaur eta bihar, Greziako uharteetako errefuxiatuen eremuetarako.

Lesboseko errefuxiatuentzat egunero otorduak prestatzen dituen Zaporeak irabazi-asmorik gabeko elkartearen sukalderaino sartu da Korrika. "Lesboseko sukaldetik ere pasatzen da sinbolikoki Korrika, mugak gainditu ahal direla frogatzen", azaldu dute sareetan, eta bideo hau zabaldu dute.

Homosexualen arteko ezkontza onartu duen Europako 20. herrialdea eta lehen herrialde kristau ortodoxoa da. Kyriakos Mitsotakis gobernuburu kontserbadoreak boto-askatasuna eman zien bere alderdiko kideei.

Kyriakos Mitsotakis Greziako lehen ministro kontserbadoreak bultzatutako lan-errefoma onartu du gaur herrialde horretako Parlamentuak. Egunean 13 ordu eta astean sei egun lan egiteko aukera jasotzen du. Produkzioaren beharretara egokitutako lanaldia, azken batean. Langileak protestan ari dira.

Pertsona bat hil da eta beste bat desagertuta dago Daniel ekaitzaren ondorioz Grezian. Ekaitzak euri-jasa handiak utzi ditu herrialdearen erdialdean. Aitzitik, baso-suteen mehatxuari aurre egitea lortu dute.

Afrikako eta Asiako gosetetik edo jazarpenetik ihes egin nahi duten milaka emakumek Turkiako pasabidea hartzen dute Lesbosera bidean, Europako beste herrialde batzuetara heltzeko esperantzaz. Helburua lortzen dutenak oso gutxi dira, eta gehienen bizitza etenda geratzen da errefuxiatuen eremuetan.

Zaporeak elkarteko Paula Lafougaderekin errefuxatuak iristen diren hondartzetako batean izan da Euskal Telebista. Denak ez dira onik iristen, ordea, duela hiru egun 5 hildako izan ziren, tartean lau ume.

Nerea Melgosa Berdintasun, Justizia eta Gizarte Politiketako sailburuak eta Xabier Legarreta Migrazio eta Asiloko zuzendariak Zapoeak elkartearen jantokia eta beste erakunde humanitario batzuen instalazioak bisitatuko dituzte, eta hainbat agintarirekin bilduko dira.

Evros eskualdeko sutea da une honetan kezka handiena eragiten duena eta egoerak okerrera egin lezake haize aldaketaren ondorioz. Bestalde, Andros uharteko egoerak hobera egin du azken orduetan.

Greziako suteen egoera larriagotu egin da azken 24 ordutan 50 foku berri baino gehiago piztu ondoren. Sute bortitzenak Alexandroupolitik gertu piztu dira eta hiriko ospitale handiena ebakuatu behar izan dute.