Bilatu

Gazako Zerrenda

1 / 30 Hurrengoa

Izquierda Unidak planteatu du Sumar Espainiako Gobernutik ateratzea, Israeli armak erosteagatik

#-published-#: 2025/04/23 17:25 (UTC+2) Azken eguneratzea: 2025/04/23 17:25 (UTC+2)

Barne Ministerioak Israelgo Estatuari 15 milioi bala baino gehiago erostea erabaki du, Guardia Zibilarentzat. Antonio Maillo Izquierda Unidako buruzagiak PSOEri leporatu dio Sumarrekin koalizio Gobernuan "krisirik handiena" ireki izana.

Israelek hondeamakinak eta ura eta zaborra biltzeko kamioiak suntsitu ditu Gazako hainbat tokitan

#-published-#: 2025/04/22 10:55 (UTC+2) Azken eguneratzea: 2025/04/23 10:55 (UTC+2)

Defentsa Zibileko lantaldeek gorpuak hondakin artetik ateratzeko eta errepideak garbitzeko erabiltzen zituzten makina horiek. Gazako Defentsa Zibilak salatu duenez, Israel "lan humanitariorako baliabideak suntsitzen ari da".

15 paramedikuren hilketarekin lotutako akatsak onartu ditu Israelgo Armadak, eta ofizial bat kargugabetu du

#-published-#: 2025/04/20 19:55 (UTC+2) Azken eguneratzea: 2025/04/20 19:55 (UTC+2)

Palestinako Ilargi Gorriaren zuzendari Yunis al Jatibek kritikatu du "faltsua" eta "kontraesankorra" dela Israelek egin duen ikerketa militarra.

Netanyahuk dio Hamasek uko egin diola bahituen erdiak askatzeko proposamenari eta ez duela men emango

#-published-#: 2025/04/19 22:30 (UTC+2) Azken eguneratzea: 2025/04/19 22:30 (UTC+2)

"Uste dut bahituak etxera ekar ditzakegula, amore eman gabe. Hori buruan daukadala jokatu dut orain arte. Misioa oraindik ez da amaitu, eta egiteko asmoa dut. Baina amore eman gabe", nabarmendu du larunbat gauean emititu duten aurrez grabatutako mezu batean.

Israelek erasoekin jarraitzen du eta gutxienez 28 palestinar hil ditu azken orduetan Gazako Zerrendan

#-published-#: 2025/04/18 16:56 (UTC+2) Azken eguneratzea: 2025/04/18 16:56 (UTC+2)

Gaur hilabete bete da Netanyahuk su-etena hausteko agindua eman zuenetik, eta, denbora horretan, Israelgo armadak 1.700 pertsona inguru hil ditu, tartean haurrak eta emakumeak.

Israelek zibilak babesten ziren eskola bati eraso dio Jabalian, eta sei pertsona hil ditu

#-published-#: 2025/04/17 07:32 (UTC+2) Azken eguneratzea: 2025/04/18 07:32 (UTC+2)

Beste eraso batzuetan, goizaldean, 40 pertsona inguru bizirik erre ditu Israelgo Armadak, tartean 17 haur eta lau emakume, lotan zeuden kanpin-dendak bonbardatuta. Israelek dio Hamaseko arma-kontrabandoko arduraduna eta Jihad Islamikoko beste kide "garrantzitsu" bat hil dituela.

Gerrak haur gazatarrengan izan duen ondorioei buruzko argazki batek irabazi du World Press Photo globala

#-published-#: 2025/04/17 13:55 (UTC+2) Azken eguneratzea: 2025/04/17 13:55 (UTC+2)

Irabazlearen irudia Gazako 9 urteko haur batena da. Israelek 2024ko martxoan egindako eraso batean bi besoak galdu zituen eta Dohara eraman zuten tratamendua jasotzeko.

Israelgo Armadak onartu du atxilotu palestinarren milaka objektu eta diru pilatu dituela

#-published-#: 2025/04/16 22:46 (UTC+2) Azken eguneratzea: 2025/04/16 22:46 (UTC+2)

Hatzlacha erakunde israeldarrak 'Haaretz' egunkariarekin batera aurkeztutako informazio eskaerari erantzunez, Armadak azaldu du atxilotuen "milaka objektu" dituela, dirua barne.

Gazako ikastetxeen % 70ek baino gehiagok eraso zuzenak jasan dituzte

#-published-#: 2025/04/16 22:35 (UTC+2) Azken eguneratzea: 2025/04/16 22:35 (UTC+2)

Gainera, Zerrendako eskolen % 88k berreraikuntza edo birgaitze lan handiak behar dituzte.

Israelgo Armadak dio Gazako Zerrendaren % 30 kontrolatzen duela

#-published-#: 2025/04/16 20:25 (UTC+2) Azken eguneratzea: 2025/04/16 20:25 (UTC+2)

Urtarrilaren erdialdean Israelek Hamasekin lortutako su-etena hautsi zuenetik, soldadu israeldarrek 1.600 pertsona baino gehiago hil dituzte, eta inbasioa hasi zenetik 51.000 hildako utzi dituzte.

Mikel Ayestaran: ''2014ko Israelen erasoaldian behea jo nuen. Erotuta atera nintzen Gazatik''

#-published-#: 2025/04/15 07:22 (UTC+2) Azken eguneratzea: 2025/04/15 07:22 (UTC+2)

Korrespontsalak Arantza Ruizekin izandako elkarrizketan nabarmendu duenez, Gazako ospitale batean igarotzen zituen goizak, eta haurrak etengabe heltzen ziren.

Gazan su-etena lortzeko beste saiakera bat egiten ari dira, Egipto bitartekari

#-published-#: 2025/04/13 12:17 (UTC+2) Azken eguneratzea: 2025/04/14 12:17 (UTC+2)

Hamasen ordezkaritza bat Kairon dago Egiptoko bitartekariekin su-etenaz solasteko, eta Israelekin bahituak eta presoak trukatzeko aukera aztertzeko.

Israelek Gaza hirian irekita zegoen azken ospitalea bonbardatu du, eta gaixoak eta langileak ebakuatu dituzte

#-published-#: 2025/04/13 11:16 (UTC+2) Azken eguneratzea: 2025/04/14 11:16 (UTC+2)

Harrera eraikinaren kontra egin du eraso, bi misil botata, eta guztiz suntsitu du. Gainera, sutea piztu da, eta larrialdien eremua, laborategia eta farmazia kaltetu ditu. Israelek esan du Hamasek base bat zuela ospitalean, baina ez du frogarik aurkeztu.

Israelek Al Ahli Ospitalea bonbardatu du, Gaza iparraldeko erietxerik garrantzitsuena

#-published-#: 2025/04/13 10:41 (UTC+2) Azken eguneratzea: 2025/04/13 10:41 (UTC+2)

Gaixoak eta langileak ebakuatu behar izan dituzte, baina hondakinen artean pertsonen bila ibili dira. Misilek harrera eraikina suntsitu dute, eta larrialdien eremua, laborategia eta farmazia kaltetu.

Israelen esku eta Gazako gainerako lurraldeetatik isolatuta geratu da Rafah

#-published-#: 2025/04/12 21:12 (UTC+2) Azken eguneratzea: 2025/04/12 21:12 (UTC+2)

Rafah hiria -gerra aurretik 270.000tik gora pertsona bizi ziren eta gaur egun ehunka baino ez dira geratzen- Gazako gainerako lekuetatik isolatuta geratu da iparraldetik (Jan Yunisen mugakidea) zein hegoaldetik, non Israelek Egiptorekin muga egiten duen Filadelfiako Korridorea kontrolatzen duen.

AEBk eta Iranek datorren astean jarraituko dute hizketan, Omango negoziazio "positiboaren" ondoren

#-published-#: 2025/04/12 17:31 (UTC+2) Azken eguneratzea: 2025/04/12 17:31 (UTC+2)

AEBko eta Irango ordezkariek errepublika islamiarraren programa nuklearrari buruzko negoziazio publikoak hasi dituzte berriro larunbat honetan, zazpi urteko urruntzearen ostean, Donald Trumpek 2018an Ekintza Integralerako Plan Bateratua bertan behera uztea erabaki ostean.

OMEk ohartarazi du Gazan sendagaiak 2-4 aste barru agortu daitezkeela, Israelen blokeoa dela eta

#-published-#: 2025/04/10 09:01 (UTC+2) Azken eguneratzea: 2025/04/11 09:01 (UTC+2)

Biltegietako botikak 2-4 aste barru agortu daitezke, Israelek martxoaren 2tik inposatu duen blokeo humanitarioaren eraginez.

Israelek aurrera jarraitzen du bere kolonizazio planarekin eta Gazan lurraldeak okupatu dituela ziurtatu du

#-published-#: 2025/04/09 23:04 (UTC+2) Azken eguneratzea: 2025/04/09 23:04 (UTC+2)

"Eremu asko hartu eta Israelgo Estatuko segurtasun eremuetara anexionatzen ari gara, Gaza txikiago eginez eta isolatuago utziz", baieztatu du Israel Katz Israelgo Defentsa ministroak.

Autopsiak baieztatu du israeldarrek nahita hil zituztela Rafahko 15 osasun-langileak

#-published-#: 2025/04/07 10:10 (UTC+2) Azken eguneratzea: 2025/04/08 10:10 (UTC+2)

Palestinako Ilargi Gorriaren ahotan, erasoa "gerrako krimena da, eta agerian uzten du Nazioarteko Zuzenbide Humanitarioa behin eta berriz urratzen duen patroi arriskutsua".

Muga-zergak, bahituak, Iran eta Zigor Auzitegia izango dituzte hizpide Trumpek eta Netanyahuk astelehenean

#-published-#: 2025/04/06 10:58 (UTC+2) Azken eguneratzea: 2025/04/07 10:58 (UTC+2)

Trumpek muga-zerga orokorrak iragarri zituenetik Etxe Zurian hartu duen lehen agintaria izango da. Bestalde, 50.000tik gora dira jada Israelek Gazan hildako pertsonak, eta greba deitu dute astelehenerako Zisjordanian.

Gernika-Palestina plataformak bilkura egin du Leioan Gazako genozidioa salatzeko

#-published-#: 2025/04/06 19:23 (UTC+2) Azken eguneratzea: 2025/04/06 19:23 (UTC+2)

Hungariako Kontsulatuaren aurrean elkartu dira, Netanyahuk berriki herri horretara egin baitu bisita. Euskal Herriko 120 hiri eta herritan protesta ekitaldiak iragarri dituzte apirilaren 8rako.

Israelek Gazako 15 paramedikuren hilketaren inguruan emandako bertsioa gezurtatu egin du bideo batek

#-published-#: 2025/04/05 20:17 (UTC+2) Azken eguneratzea: 2025/04/05 20:17 (UTC+2)

The New York Times egunkariak argitaratutako bideoan ikusten denez, paramedikuak uniforme islatzailez eta argia jarrita zihoazen, ez modu "susmagarrian", Israelek esan bezala. 5 minutu luzez, ilunpean, tiro hotsak entzuten dira etengabe, eta irudiak grabatzen ari den paramedikuaren otoitzak.

Gazako bost adingabe laguntza medikoa jasotzen ari dira Gurutzetan eta Donostia Ospitalean

#-published-#: 2025/04/04 15:56 (UTC+2) Azken eguneratzea: 2025/04/04 15:56 (UTC+2)

Ume bakoitzari balorazio klinikoa eta analitikoa egin dizkiote, baita tratamendua zehazteko beharrezko probak ere. Haurrek 13 urte inguru dituzte, eta horietako hiru ez dituzte ospitaleratu.

Gazak hilabete darama erabat blokeatuta, Israelek laguntza humanitarioa sartzea eragozten baitu

#-published-#: 2025/04/03 21:28 (UTC+2) Azken eguneratzea: 2025/04/03 21:28 (UTC+2)

Munduko Elikagai Programak (WFP) Gazako Zerrendan dituen okindegi guztiak itxi dituela iragarri du, irin falta dela eta. Gainera, prezioek gora egin dute eta jada ez dago oinarrizko produkturik.

Israelek 27 pertsona hil ditu, horietako 18 haurrak, eskola baten aurka egindako bonbardaketan, Gazan

#-published-#: 2025/04/03 20:52 (UTC+2) Azken eguneratzea: 2025/04/03 20:52 (UTC+2)

Dar Al-Arqam da oraingo honetan erasoa jasan duen eskola, desplazatutako milaka zibil hartzen dituena. Israelek 229 gutxienez errefuxiatu zentrori eraso die 2023ko urriaren 7tik. Azken egunean Armada sionistak 100 bat pertsona hil ditu.

Gaixotasun onkologikoa duten Gazako bost ume iritsi dira Euskal Herrira, Osakidetzak artatzeko

#-published-#: 2025/04/03 16:47 (UTC+2) Azken eguneratzea: 2025/04/03 16:47 (UTC+2)

Gaixotasun onkologikoren bat duten bost adingabe (1-13 urte artekoak) artatuko ditu Osakidetzak; hiru, Gurutzetako Unibertsitate Ospitalean, eta bi, Donostiakoan.

Gaixotasun onkologikoa duten Gazako bost ume iritsiko dira gaur Euskal Herrira, Osakidetzak artatzeko

#-published-#: 2025/04/02 18:02 (UTC+2) Azken eguneratzea: 2025/04/02 18:02 (UTC+2)

13 urtez azpiko haurrak dira, eta gaur goizaldean iritsiko dira Euskal Herrira, euren senideekin batera.

EAEn dira Gazako 9 haurrak eta emakumea, ostiraletik aurrera osasun laguntza jasotzeko

#-published-#: 2024/07/25 11:08 (UTC+2) Azken eguneratzea: 2025/04/02 11:08 (UTC+2)

Gaixoak, senitartekoak ondoan dituztela, harrera-etxeetan daude. Ostiralean ekingo diete tratamenduari, bostek Gurutzetako Ospitalean eta beste bostek Donostiakoan. Nafarroara ere gaur zen heltzekoa arreta behar duen beste adingabe gazatar bat.

Israelek iragarri du Gazako hegoaldean eraso egingo duela, eta "guneak anexionatuko" dituela

#-published-#: 2025/04/02 09:57 (UTC+2) Azken eguneratzea: 2025/04/03 09:57 (UTC+2)

Israelek gutxienez 22 pertsona hil ditu, tartean hainbat haur, Errefuxiatu Palestinarrentzako Nazio Batuen Agentziaren (UNRWA) klinika baten aurka egindako bonbardaketa batean, Jabalian, Zerrendako iparraldean.

Hauxe dakigu Rafahko hobi komunean aurkitutako 15 paramedikuei buruz

#-published-#: 2025/04/01 16:44 (UTC+2) Azken eguneratzea: 2025/04/02 16:44 (UTC+2)

Martxoaren 23an Palestinako Ilargi Gorriak eta Gazako Defentsa Zibilak 16 paramediku eta erreskatatzailerekin kontaktua galdu zuten Rafahn misio batera zihoazenean, eta horietako 15 hobi komunetik atera dituzte azken egunetan.

Milaka palestinar behartu ditu Israelek Rafahetik beste behin ihes egitera

#-published-#: 2025/03/31 23:02 (UTC+2) Azken eguneratzea: 2025/03/31 23:02 (UTC+2)

40.000 gazatar inguruk Rafah eremutik alde egin behar izan dute gaur, Gazako hegoaldean, Israelgo Armadak hiria eta inguruko eremuak bonbardatu baino lehen lekualdatzeko agindu berriak eman ostean.

15 kooperanteren gorpuak aurkitu dituzte Gazan, hobi komun batean, Israelek eraso egin ostean

#-published-#: 2025/03/31 21:42 (UTC+2) Azken eguneratzea: 2025/03/31 21:42 (UTC+2)

Gurutze Gorriaren eta Ilargierdi Gorriaren Nazioarteko Federazioak eta NBEk salatu dute Israelen eraso batean zauritutakoak artatzera joan zirela eta haiei ere eraso egin zietela. "Langile humanitarioek eta medikuek ez dute inoiz helburu izan behar", aldarrikatu dute.

Apirilaren 8an udaletxe atarietako bilkuretan parte hartzeko deia egin die Gernika-Palestinak herritarrei

#-published-#: 2025/03/29 20:33 (UTC+1) Azken eguneratzea: 2025/03/29 20:33 (UTC+1)

Alderdi, sindikatu eta mugimendu sozialek adierazpen bat sinatu dute, nazioarteari Israelekin harreman komertzialak eta militarrak eteteko eskatuz, bakea lortzeko.

62 pertsona hil eta dozenaka lagun zauritu dira Israelen bonbardaketen ondorioz

#-published-#: 2025/03/25 15:03 (UTC+1) Azken eguneratzea: 2025/03/26 15:03 (UTC+1)

NBEk ohartarazi du ez dagoela leku segururik Gazan babesteko, eta, horregatik, iragarri du zerrendan dituen langileen herena erretiratuko duela.

'No Other Land' dokumentalaren zuzendarietako bat atxilotu dute Zisjordanian, kolonoek jipoia eman ondoren

#-published-#: 2025/03/25 12:54 (UTC+1) Azken eguneratzea: 2025/03/25 12:54 (UTC+1)

'No Other Land' zintan Masafer Yatta eskualdearen okupazioa eta Israel bertan egiten ari den txikizioa erakusten dira. Urtarrilean, dokumental onenaren Oscar saria jaso zuen lanak.

Hamdan Ballal 'No other land' dokumentalaren zuzendarietako bat atxilotu dute, kolonoek jipoitu ostean

#-published-#: 2025/03/25 14:36 (UTC+1) Azken eguneratzea: 2025/03/25 14:36 (UTC+1)

Ballal buruan eta sabelean zaurituta dago, eta ospitalera eramaten ari ziren anbulantzian atxilotu dute soldadu israeldarrek.

Gazan su-etena berrezartzeko proposamena aurkeztu du Egiptok

#-published-#: 2025/03/24 15:30 (UTC+1) Azken eguneratzea: 2025/03/24 15:30 (UTC+1)

Hamasi bahituen egoerari buruzko informazio xehea ematea eskatzen zaio proposamenean, eta trukean, Israelgo Armadako soldaduak Gazako Zerrendatik alde egiten hasiko dira.

Gazatik alde egin nahi duten palestinarren irteera kudeatzeko agentzia bat sortzea onartu du Israelek

#-published-#: 2025/03/23 20:34 (UTC+1) Azken eguneratzea: 2025/03/23 20:34 (UTC+1)

Bestalde, EBren Atzerri Politikako goi ordezkari Kaja Kallasek Israel eta Palestina bisitatuko ditu bihartik aurrera, eta bi herrialde horietako buruekin bilduko da Gazako sarraskiaz hitz egiteko eta su-etenaren nahiz laguntza humanitarioaren beharra azpimarratzeko.

Gutxienez 35 pertsona hil ditu Israelek bart Gazako hegoaldean egindako erasoetan

#-published-#: 2025/03/23 11:05 (UTC+1) Azken eguneratzea: 2025/03/23 11:05 (UTC+1)

Igande honetan, Al-Mawasiko eremu humanitariora joateko agindu die Israelek Rafahko gazatarrei. Kanpalekua, baina, gainezka dago, urik eta argindarrik gabe.