Bonbaren abisua emateko deia 15:20ak aldera jazo du Ertzaintzak eta, horregatik, modu prebentiboan, merkataritza gune hori jendez hustea erabaki du. Arratsalde osoa eman dute ertzain eta suhiltzaileek barrualdea miatzen.
Atxilotuak dozena inguru izan daitezke, eta une honetan Sestaoko ertzain-etxean daude. Polizia-operazioa amaitu da jada, baina ikerketak aurrera jarraitzen du.
Helburua da kolektibo jakin batzuen lan-baldintzak hobetzea, hala nola 55 eta 60 urte bitarteko agenteena eta Ikerketa Kriminaleko unitatearena. Alabaina, lan-baldintzak aldatzerakoan Eusko Jaurlaritzak ez dituela sindikatuak aintzat hartu deitoratu du Ertzaintzaren Unitate Sindikalak.
Gizonezkoa atzo arratsaldean igaro zen epailearen aurretik, eta horrek libre uztea ebatzi zuen. Dena dela, ez dute jakinarazi kautelazko neurriren bat ezarri ote zioten. Erasoa kontsulta batean gertatu zen, biktimak belaunean zuen lesio bat artatzera joan zenean.
Emakumeak azaldu duenez, belauneko lesio bat artatzeko zain zela egin dio eraso gizonak. Hori dela eta, salaketa jarri du Ertzaintzan, mediku-laguntza jaso ondoren.
Gatzarriñe kaleko goi-tentsioko dorre batean igota zegoela, dirudienez, elektrokutatu eta erori egin da. Gaztearen gorpuari autopsia egingo diote, heriotzaren nondik norakoak argitzeko.
Mons pasealekuko bizilagunek Udaltzaingoari jakinarazi diote norbaitek aparkatutako hainbat ibilgailutan kalteak egin dituela. Ondoren, Marrutxipi kaleko eraikin bateko bizilagun batzuk objektuak jaurtitzen hasi dira udaltzainen aurka.
Federatu gabeko jokalarien arteko lehiaketa baten amaieran eraso zioten, Bidebieta auzoan. Ertzaintzak ustezko erasotzailea identifikatu zuen, baina, oraingoz, ez du atxilotu.
Ertzaintzak egindako ikerketari esker, bi susmagarriak identifikatu eta atxilotu dituzte. Atxilotuetako bat, 31 urtekoa, labankadaren ustezko egile materiala da, eta homizidio-saiakera delitu bat egotzi diote, eta besteari, lesio-delitu bat.
San Antonioko jaiak ospatzen ari den udalerrian sexu-erasoa egin diotela salatu du larunbatean emakume batek. San Antonioko Jai Batzordeak, txosnek eta Etxebarriko Udalak elkarretaratzea deitu dute gaur, 17:00etan.
Irakasleak ikertu gisa deklaratu du, lau urtetik beherakoen senideek salaketak jarri eta hamar egunera. EITBk jakin duenez, familiek eta Fiskaltzak ez dute kautelazko neurririk eskatu.
EAEn 721 hautesleku prest izango dira, eta, aurreko hitzorduetan bezala, herritarrek 09:00etatik 20:00ak arte izango dute botoa emateko aukera. Ildo horretatik, 2.689 mahai eratuko dira.
Hala erantzun dio polizia-sindikatuak Espainiako Gobernuak EAEn duen ordezkariari. Marisol Garmendiak "besoak gurutzatuta" geratzea leporatu dio Eusko Jaurlaritzari, Behobiako kamioien eta traktoreen pilaketak eragindako 40 kilometroko ilaren aurrean.
Ustezko egilea, 57 urteko bilbotarra, atzo atxilotu zuten Bizkaiko hiriburuan, eta polizia etxean izan dute ordutik. Ertzaintzaren ikerketak zabalik jarraitzen du.
Susmagarria, 57 urteko bilbotarra, gaur goizean atxilotu dute Bizkaiko hiriburuan. Atxilotua ertzain-etxera eraman dute beharrezko izapideak egiteko, eta epailearen esku utziko dute. Ikerketa zabalik dago, eta Ertzaintzak diligentziekin jarraitzen du.
Ertzaintza toxikomano asko joan-etorrian ibiltzen ziren etxebizitza bat zaintzen aritu da. Azkenik, asteazkenean, 56 urteko gizona eta haren bikotekidea, 52 urteko emakumea, atxilotu zituzten, droga-trafiko delitu bat egotzita.
Sutea Reydesa enpresaren kanpoaldean hasi da, metalezko hondakinak pilatuta zeuden kanpoko eremu batean. Ertzaintzak, Ingurumenaren Aurkako Delituen Atalaren bitartez, ikerketa bat abiatu du ezbeharra eragin duten arrazoiak zehazteko.
Bost adin txikikoak astelehenean utzi zituzten Bilboko Adingabeen Fiskaltzaren esku utzi, bi gau komisaldegian igaro ostean. Juan Felipe Garciari arma zuriz eraso egin zioten larunbatean eta Gurutzetako ospitalean hil zen.
Elkarretaratzea 19:30ean egingo dute Malakate plazan, ikastetxetik gertu. Zentroko zuzendaritzak dio ustezko erasotzailea "berehala" kaleratu dutela, baina familiek salatu dute ikastetxeak "berandu" jardun duela.
Oraingoz, lau haurren familiek jarri dute salaketa. Ikastetxeak bilera egin du Haur Hezkuntzako ikasleen gurasoekin. Emandako azalpenek ez omen dituzte asebete eta batzuek salatu dute zuzendaritzak "berandu" jardun duela.
Metroaren erabiltzaile batek grabaturiko irudietan ikusten denez, Ertzaintzak berehala atxilotu zituen ustezko bost erasotzaileak. Gainera, bertako zakarrontzi batean ustez hilketan erabilitako labanak aurkitu zituzten.
Getxoko Udalak urgentziaz deitu du gaur goizean bozeramaileen batzordea, gaitzespen-testu bat adosteko, eta elkarretaratzea egiteko deia egin dute, gertatutakoa gaitzesteko. Ekitaldia astearte honetan izango da, 19:00etan, Algortako Satistegi plazan.
Hainbat substantzia injektagarri konfiskatu zizkieten atxiloketaren unean. Substantzia horiek ez zuten Europar Batasunaren berme-ziurtagiririk etiketan. 7.000 euro ere atzeman zizkieten.
Algortako Satistegi plazaren inguruan izan da erasoa bart, 23:20 aldera. 23 urteko gazte batek arma zuriz egindako erasoa jasan du, eta Gurutzetako ospitalean hil da geroago. Ertzaintzak bost adingabe atxilotu ditu.
23 urteko mutila 9 hilabeterekin iritsi zen Getxora, eta izeba eta amonarekin bizi zen ordutik Algortan. Lagun batzuek sastakatu zutela esan zieten atzo biei, erasoa gertatu berritan. Bost adingabe atxilotu dituzte hilketarekin lotuta.
Bilbora bi taldetako zale ugari iristea aurreikusten denez, gune bana prestatu da zaleek egonaldiaz gozatu ahal izateko partidaren aurretik eta partidan zehar, modu seguruan.