Chill Mafiak hamar orduko jaia egingo du BECen, martxoaren 28an, agur esateko

B. F. - N. V. | EITB MEDIA

Nafar kolektiboak Barakaldoko erakustazokan emango du bere ibilbideko azken kontzertua, lagunez inguratuta. Sarrerak azaroaren 21ean jarriko dituzte salgai.

Orria entzun Orria entzun

Chill Mafia. Argazkia: Arrigurri.

Whatsapp
Whatsapp
twitt
Bidali
Esteka kopiatu

Albisteak (2)

Chill Mafia nafar kolektiboak BECen emango du azken kontzertua, Barakaldoko erakustazokako Cubec! Aretoan, martxoaren 28. Egun horretan burutuko da nafarren agur bira, hamar orduko jai batekin.

Metrika artistak joko du aurretik, eta Chill Mafiako kideek hainbat artistarekin batera eskainiko dituzte beren kantuak, hala nola Nerve Agent talde albacetarra, Hofe x 4:40 ohiko kolaboratzailea, Euskoprincess, Bengo, La Txama, Mirua eta Arepas. Kolaboratzaile gehiago izango direla aurreratu du, gainera, taldeak.

Gaua bukatzeko, "sekulako afterra" prestatu dute nafar musikariek 06:00ak arte.

Kiliki Frexko eta Flako Chill Mafiako kideek "Dida" Gazteako saioan azaldu dutenez, hitzordu oso berezia izango da.

Sarreren salmenta azaroaren 21ean abiatuko dute, See Tickets plataforman.