Mendilibarren Olympiakosek irabazi du Konferentzia Liga (1-0)

Jose Luis Mendilibar Zaldibarko (Bizkaia) entrenatzailearen Olympiakos taldeak irabazi du 2023-24 denboraldiko Konferentzia Liga, Fiorentinaren aurka 1-0 irabazita, Ayoub El Kaabi aurrelari marokoarrak luzapeneko 116. minutuan sartutako golari esker.

Hala, Olympiakosek irabazten duen lehendabiziko Europako txapelketa da. Aitzitik, Fiorentinak bigarren urtez jarraian galdu du Konferentzia Ligako finala; izan ere, aurreko denboraldian ere porrot egin zuen West hamen aurka.

Garaipen horrekin, Mendilibarrek Europako bere bigarren titulua irabazi du jarraian, aurreko denboraldian Sevillarekin lortu zuen Europako Ligaren ostean. Orduko hartan, beste talde italiar bat (Erroma) azpiratu zuen, penaltietan, arauzko denbora ba eta batekoarekin amaitu ondoren.

Fitxa teknikoa:

1 - Olympiakos: Tzolakis; Rodinei, Retsos, David Carmo, Ortega; Chiquinho (Horta, 77. min), Iborra, Hezze; Podence (Maosuras, 105. min), Fortounis (Jovetic, 73. min) eta El Kaabi (El Arabi, 122. min).

0 - Fiorentina: Terracciano; Dodo, Milenkovic, Martínez Quarta, Biraghi (Ranieri, 105. min); Arthur (Duncan, 74. min), Mandragora; Bonaventura (Barak, 82. min); Nico González (Beltrán, 105. min), Kouamé (Ikoné, 82. min) eta Belotti (Nzola, 59. min).

Golak: 1-0, 116. min: El Kaabi

Epailea: Artur Soares Dias (Portugal). Txartelo horiak: Podence (29. min), Jovetic (94. min), Paschalakis (95. min) Olympiakosen aldetik; eta Martínez-Quarta (42. min), Kouamé (79. min), Biraghi (min. 99. min) Fiorentinaren partetik.