Futbola
Euskal derbia
O. Z. A. | EITB Media
Norgehiagoka Reale Arenan jokatuko da, larunbatean, 18:00etatik aurrera. Lehen itzuliko norgehiagokan bizkaitarrak 2-1 gailendu ziren.
Lehen itzuliko neurketako argazkia. Argazkia: @AthleticClub
Bideoak (5)
Realak espero du larunbateko derbian, Athletic aurkari, Reale Arenako giroa Kopakoa bezain…
Aznar: ''Ondo iristen gara, irabazteko gogoz ekingo diogu derbiari''
Realak eta Athleticek F Ligako 21. jardunaldiko partida jokatuko dute larunbatean, Reale Arenan. Gipuzkoarrak eta bizkaitarrak denboraldiko momentu onenean iristen dira hitzordura, eta bolada onari jarraipena ematen saiatuko dira biak ala biak 18:00etatik aurrera. David Aznarren neskak aurretik dira sailkapenean, baina lau puntuko tartea besterik ez dago bi taldeen artean.
Etxekoak zortzigarren postuan dira, eta denboraldi hasiera gorabeheratsu baten ondoren, bolada onean daude. Erreginaren Kopako finalera sailkatzetik dator, Atletico Madril kanporatuta. Ligako azken neurketan bana berdindu zuen Betisen etxean.
Bestalde, Athletic ere bolada onean iristen da larunbateko derbira. Bartzelona prestigiotsuak Kopatik kanpo utzi arren, finalerdietako itzuliko partidan zuri-gorriek aurre egin zioten talde blaugranari (2-1). F Ligako azken norgehiagokan, bilbotarrek laugarren garaipena kateatu zuen, Valentzia mendean hartuta (2-0).
Athelticek 2-1 irabazi zion Realari Ligako lehen itzuliko neurketan, eta jendetza espero da, berriz ere, harmailetan.
Hurrengo zuzenekoak
Ez dago zuzenekorik |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa