Ligako taldeek aukeratutako ordezko estadioak, erkidegoren bat konfinatzen badute

Santander Ligan parte hartzen duten klubek ostegun honetan jakinarazi dute zein ordezko estadio aukeratu dituzten COVID-19aren pandemiaren eraginez erkidegoren bat konfinatu eta euren zelaietan jokatu ezin badute. Ligari eta Espainiako Futbol Federazioari eman diote aukeratu dituzten badaezpadako zelaien berri.

Realak Wanda Metropolitano Atletico Madrilen estadioa aukeratu du. Osasunak Mendizorrotza eta Alavesek Sadar, bi klubak akordiora iritsi ostean. Athleticek hiru aukera aurkeztu ditu: Sardinero, (Racing Club) Sanchez-Pizjuan (Sevilla FC) eta Las Gaunas (UD Logroñes). Eibarrek, aldiz, Anduva (Mirandes) edo Las Gaunas (UD Logroñes).

Bestalde, aipatu behar da Sevillak San Mames (Athletic Club) aukeratu duela, eta Atletico Madrilek Reale Arena (Reala).

Santander Ligako taldeek aukeratutako ordezko estadioak:

Reala: Wanda Metropolitano

Osasuna: Mendizorrotza

Athletic Club: Sardinero, Sanchez-Pizjuan edo Las Gaunas

Alaves: Sadar

Eibar: Anduva edo Las Gaunas

Valentzia: Carlos Belmonte

Granada: Leganes

Betis: Ciutat de Valencia

Huesca: Montilivi

Valladolid: Santiago Bernabeu-Di Stefano, Sanchez Pizjuan edo Balaidos.

Vila-real: RCDE Stadium

Celta: Jose Zorrilla, Carlos Tartiere edo Molinon

Atletico Madril: Reale Arena

Bartzelona: Son Moix

Elx: Cartagonova

Getafe: Romareda

Real Madril: Jose Zorrilla

Sevilla: San Mames

Levante: Benito Villamarin

Cadiz: Carlos Belmonte