Arabako PSE-EEk kultur ekitaldiak hobetzeko eta areagotzeko konpromisoa hartu du

Cristina Gonzalez PSE-EEren Arabako ahaldun nagusigaiak eta Maider Etxebarria Gasteizko alkategaiak kultur ekitaldiak areagotzeko eta hobetzeko konpromisoa hartu dute larunbat honetan, maiatzaren 28ko hauteskundeen ostean bi erakundeetan gobernatzea lortzen badute.

EAJrekin Aldundian eta Udalean dituzten koalizio-gobernuen parte dira biak, eta kultura arloan dituzten proposamenak azaldu dituzte Gasteizko Kubik aretoan egindako ekitaldi batean.

Cristina Gonzalezek "intolerantzia, ezjakintasuna eta diskriminazioari" aurre egingo dion kultura "inoiz baino biziagoa" eskatu du, "premia handiko ondasun gisa".

Maider Etxebarriak, duela egun batzuk kultura arloan proposamenak aurkeztu zituenak, ekimen batzuk errepikatu ditu, hala nola; ikuskizun, zerbitzu eta udal instalazioetara "arrazoizko prezioan" joateko gazte-bonu bat sortzea.