Politika -

Erasoa

Gipuzkoako sozialistek salatu dute pintaketak egin dizkietela Eibarren duten txosnan

"Aurten ere intoleranteenek bizikidetza lezioak eman nahi izan dizkigute gisa horretako ekintzekin. Aitzitik, lortu duten bakarra da erasoa nork egin duen agerian uztea", esan du PSE-EEk Gipuzkoan duen idazkari nagusi Jose Igancio Asensiok.

Pintaketak PSE-EEk Arrateko landetan duen txosnan. Argazkia: PSE-EE
Pintaketak PSE-EEk Arrateko landetan duen txosnan
Pintaketak PSE-EEk Arrateko landetan duen txosnan. Argazkia: PSE-EE

AGENTZIAK | EITB MEDIA

Whatsapp Facebook Twitter Telegram Email

Gipuzkoako sozialistek salatu dute bart gauean Arrateko landetan (Eibar) duten txosnan erasoa jasan dutela. Hain zuzen ere, pintaketak egin dizkiete Arrateko Amaren eguna dela eta bertan jarri duten txosnan. "6000 torturatu. Bizikidetza non?" esaldia irakur daiteke pintaketa batean.

Horri erantzunez, PSE-EEk Gipuzkoan duen idazkari nagusi Jose Ignacio Asensiok esan du aurten ere "intoleranteenek bizikidetza lezioak" eman nahi izan dituztela. "Aitzitik, lortu duten bakarra da erasoa nork egin duen agerian uztea", erantsi du.

Halaber, Asensiok nabarmendu du Alderdi Sozialistak "askatasuna eta herritarren eskubideak" defendatzen dituela.

Hau zure interesekoa bada, baliteke beste gai hauek ere izatea
Politika Eibar PSE-EE Eguneko albisteak Albisteak Jaiak