Politika -

DE MIGUEL AUZIA

Auzitegi medikuaren txostenak Aitor Telleria ez espetxeratzeko gomendatzen du

EITBk jakin duenez, txostenak hitzez hitz dio Telleriak hainbat gaixotasun larri dituela eta, ondorioz, ez dela batere gomendagarria kartzelan sartzea.

Aitor Telleria eta Alfredo de Miguel, epaiketan
Aitor Telleria eta Alfredo de Miguel, epaiketan
Aitor Telleria eta Alfredo de Miguel, epaiketan

EITB Media

Whatsapp Facebook Twitter Telegram Email

De Miguel auziari lotuta, auzitegi medikuaren txostenak Aitor Telleria ez espetxeratzeko aholkatu du, EITBk baieztatu duenez. De Miguel auzian zigortutakoen artetik kartzelan sartzeko falta den hiru pertsonetako bat da.

Dokumentuak hitzez hitz dio Telleriak hainbat gaixotasun larri dituela, eta, ondorioz, ez dela batere gomendagarria kartzelan sartzea.

Txostenaren berri jasotakoan, Arabako Probintzia Auzitegiak erabaki beharko du Aitor Telleria kartzelara bidali ala ez. Auzitegi Gorenak bost urte eta hilabete bateko zigorra ezarri zion Telleriari.

Espetxe zigorrak dituzten kondenatuen artetik kartzelan sartzeko falta diren beste biak Alfredo de Miguel (12 urte eta 4 hilabete), Arabako EAJren "bigarrena" eta foru diputatua izandakoa, eta Koldo Otxandiano (7 urte eta sei hilabete) jeltzalea dira.

Hirurek gaixotasunak dituztela argudiatu dute espetxea saihesteko, eta horren aurrean auzitegi medikuari txostenak eskatu zizkion Arabako Probintzia Auzitegiak. Ezagutu den lehen txostena Telleriarena izan da.

Hau zure interesekoa bada, baliteke beste gai hauek ere izatea
Politika Epaiketak Ustezko ustelkeria politikoa Eguneko albisteak Albisteak De Miguel Auzia