Sanchezek iragarri du 20.000 etxebizitza publiko gehiago eraikiko direla alokairurako, arrazoizko prezioetan

Pedro Sanchez Espainiako Gobernuko presidenteak gaur iragarri duenez, 20.000 etxebizitza publiko eraikiko dituzte Defentsa Ministerioaren jabetzako lurretan alokairu eskuragarrirako, Lurzoruaren Enpresa Sozietate Publikoaren (Sepes) bidez.

Espainiako Gobernuak azken egunotan iragarri du 113.000 etxebizitza publiko mobilizatuko dituela alokairurako, arrazoizko prezioetan; izan ere, gaurko 20.000 etxebizitzei Sarebek adostutako 50.000 etxebizitza eta Kreditu Ofizialeko Institutuaren kredituekin finantzatuko diren 43.000 etxebizitza berri gehitu behar zaizkie.

Guztira, Garraio, Mugikortasun eta Hiri Agenda Ministerioak Alokairu Eskuragarrirako Etxebizitza Planarekin dagoeneko proiektatutako etxebizitza publikoak kontuan hartzen badira, Espainiako Exekutiboak 183.000 etxe mobilizatuko ditu datozen urteetan.

Sanchezek nabarmendu duenez, PPren azken bi legealdietan 1.600 etxebizitza baino ez ziren aurreikusi, eta, beraz, orain "alokairuko etxebizitza publikoen aldeko apustua 115 aldiz handitu da".