Politika -
Presoak
Frantziako Justiziak Lorentxa Beyre presoa baldintzapean aske uztea onartu du
Nolanahi ere, ebazpena ez da irmoa, eta prokuradoreak helegitea aurkezteko aukera du.
EITB.EUS
Lorentxa Beyre euskal presoari baldintzapeko askatasuna ematearen alde agertu da Frantziako zigor aplikazioen epailea, Gara eta Berria egunkariek argitaratu dutenez.
Alabaina, prokuradoreak ostiral gauerdira arteko epea dauka epailearen erabakiaren aurka helegitea aurkezteko. Beraz, ebazpena ez da irmoa.
Helegiterik izan ezean, espetxean 18 urte daramatzan kanboarra baldintzapean aske geratuko da.
Aurrez, Lorentxa Beyrek beste bi aldiz egin du baldintzapean libre uzteko eskaria, baina prokuradorea aurka agertu da beti, ihes egin eta "lehengo jarduerara itzultzeko arriskua" ikusten omen zuelako.
