Ortuzar Bartzelonan izango da larunbatean, ANCk eta Omniumek deitutako manifestazioan

Joseba Aurrekoetxea EAJren EBBko burukidea izango du lagun, "Kataluniako erakunde legitimoetako ordezkariak kartzelatzea" salatzeko.

Andoni Ortuzar. EiTB — Ortuzar, irailaren 11ko Diada egunean. Argazkia: EiTB

Agentziak | Erredakzioa

azken eguneratzea: 2017/11/10 13:43 (UTC+1)

Andoni Ortuzar EAJren EBBko presidentea eta Joseba Aurrekoetxea burukidea Bartzelonan izango dira larunbat honetan, ANCk eta Omnium Culturalek antolatutako manifestazioan. "Kataluniako erakunde legitimoen ordezkariak kartzelatzea" salatuko dute horrela buruzagi jeltzaleek.

Manifestazioa 17:00etan abiatuko da Bartzelonako Marina kalean, "Preso politikoak aske. Errepublika gara" lelopean.

Azaroaren 3an, Sabin Etxean bilkura egin zuen EAJren Batzar Nagusiak, "Kataluniarekin beti" lelopean, 155. artikulua eta Kataluniako Gobernu kargugabetuaren zati bat kartzelatu izana salatzeko.

EH Bilduk atzo jakinarazi zuenez, koalizioak ere ordezkaritza bidaliko du Bartzelonako manifestaziora. Kasu honetan, Maddalen Iriarte eta Pello Urizar izango dira martxan.

Hau zure interesekoa bada, baliteke beste gai hauek ere izatea

Katalunia albisteak Politika albisteak EAJ-PNV Bartzelona argazkiak Andoni Ortuzar argazkiak Kataluniaren independentzia Alderdi politikoak albisteak Albisteak Kataluniako Hauteskundeak gaur Manifestazioak gaur

Ortuzar Bartzelonan izango da larunbatean, ANCk eta Omniumek deitutako manifestazioan

Esteka kopiatuta