Politika -
Estatuko Aurrekontu Orokorrak
Confebaskek begi onez ikusi du EAJk Estatuko aurrekontuetan parte hartzea
Bestalde, jeltzaleek esan dute bilera gehiago aurreikusi dituztela Rajoyren Gobernuarekin, baina ez dagoela ezer sinatuta ez adostuta.
agentziak | erredakzioa
Roberto Larrañaga Cofebasken presidenteak uste du ona izango litzatekeela EAJk Estatuko Aurrekontu Orokorren onarpenean parte hartzea, nahiz eta aitortu "baldintzak" ikusi beharko liratekeela.
EAEko patronalaren burua, Europa Pressen egindako elkarrizketa batean, gustura agertu da EAEko aurrekontuak onartu direlako, nahiz eta "ekonomia suspertzeko partida gehiago”" nahiko lituzkeen.
Espainiako Estatuko Aurrekontuen harira, Larrañagak begi onez jo du jeltzaleek Rajoyren Gobernuaren aurrekontuak aurrera ateratzen laguntzea.
EAJ-Espainiako Gobernua bilera gehiago
Larrañagak esandakoaren aurrean, Itxaso Atutxa EAJren Bizkaiko presidenteak esan du datozen asteetan bilerak daudela hitzartuta EAJren eta Espainiako Gobernuko ordezkarien artean Estatuko Aurrekontu Orokorren inguruan hitz egiteko, baina azpimarratu du ez dagoela "ezer adostuta eta sinatuta" oraindik.
