Lopez: 'Politika zintzoaren eta kristalezko poltsikoen garaia da'

Patxi Lopez PSOEko Ekintza Politikoa eta Herritartasuna saileko idazkari nagusiak adierazi duenez, “politika zintzoaren eta kristalezko poltsikoen garaia da”.

Lopezek -ez du Kutxabank auziaren inguruan, PSEko zuzendaritzako kide bat tartean dago, aipamenik egin- Euskadiko Gazte Sozialisten IX. Batzarrean egin ditu adierazpenok, Donostian. Asteburu honetan, Batzarrean, Azahara Dominguez organizazioko idazkari nagusi berria izendatuko dute, Alain Colomaren ordez.

Patxi Lopezen esanetan, “iraultza gaur muturreko demokrazia bilatzea da, hiritarraren kontrolean, parte-hartzean eta bizitza publikoaren gardentasunean, jendeari boterea bueltan emateko, politikaren benetako boterea berreskuratzeko eta Ongizate Estatua berriz ere zutik jartzeko”, bere ustean, “eskuinak abiatutako politika neoliberalek barrena jan” baitio.

Gainera, Europatik hastearen alde agertu da; bertan sozialistek “progresisten arteko itun sozial berri bat” proposatuko dute, “politika eta herritarrak kapitalari nagusitzeko” eta, era berean, “egiaren izaera progresiboa izan, zerbitzu publikoak birsortu eta aukera berdintasuna bermatuko” duen fiskalitatea zehazteko.