Mundua -
AEB
Elon Muskek dimisioa emango duela jakinarazi die Trumpek bere gobernuko kideei
AEBko "Politico" egunkariaren arabera, Muskek Gobernuan duen kargua uztea eta bere enpresetara itzultzea adostu dute Trumpek eta enpresaburuak berak.
EITB Media
Elon Musk munduko pertsonarik aberatsenak dimisioa emango du "laster", eta AEBko Gobernuan duen kargua utziko du, Donald Trump presidenteak bere Exekutiboko kideei jakinarazi dienez, betiere AEBko Politico eguankariaren arabera.
Trumpek gastu publikoa murriztea agindu zion Muski, eta, zeregin horretarako, hainbat agentzia publiko itxi, eta milaka funtzionario kaleratu ditu enpresaburuak.
AEBko presidenteak eta Muskek berak adostu ei dute dimisioa, azken egunetan.
Politicoren esanetan, Trump "pozik" dago Musken lanarekin, baina hegoafrikarra "zama" gisa ikusten hasi dira AEBko Gobernuaren barruan.
"Esklusiba hau zaborra da"
Bere aldetik, Etxe Zuriak ukatu egin du informazioa, eta nabarmendu du Muskek haren "lan paregabea" bukatutakoan utziko duela kargua.
"Esklusiba hau zaborra da", adierazi du Karoline Leavitt Etxe Zuriaren bozeramaileak, X sare sozialean.