Mundua -

LURRIKARA

7,6 graduko lurrikara izan da Karibe itsasoan

Hondurasen eta Kuban sentitu dute astindua, besteak beste. Lurrikararen ostean, tsunami alerta zabaldu dute, baina bertan behera utzi dute gero.

Lurrikara itsasoan gertatu da, Cisne uharteetatik 44 kilometro ekialdera gertatu da, Argazkia: EFE
Lurrikara itsasoan gertatu da, Cisne uharteetatik 44 kilometro ekialdera gertatu da, Argazkia: EFE
Lurrikara itsasoan gertatu da, Cisne uharteetatik 44 kilometro ekialdera gertatu da, Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Richter eskalan 7,6 graduko indarra hartu duen lurrikara batek dardara eragin du gaur Karibe itsasoan, AEBko Geologia Zerbitzuak jakinarazi duenez. Hasiera batean agintariek tsunami alerta igorri badute ere, gerora bertan behera utzi dute arriskurik ez dagoelakoan.

AEBko zentroak zabaldutako informazioaren arabera, 7,6 graduko astindua Santanilla uhartetik 44 kilometro ekialdera gertatu da (Honduras), Karibe itsasoaren ipar-ekialdean.

10 kilometroko sakoneran gertatu da lurrikara, Honduras eta Belizeko kostaldearen eta Kubaren artean, AEBko Geologia Zerbitzuak argitaratutako maparen arabera.

Lurrikara gertatu eta berehala, AEBko Meteorologia Zerbitzuak tsunami alerta igorri du Kuba, Honduras, Mexiko, Kaiman uharteak, Jamaika, Belize, Birjina uharteak eta Puerto Ricorako. Hala ere, gero bertan behera utzi du alerta hori.

Hau zure interesekoa bada, baliteke beste gai hauek ere izatea
Munduko albisteak 2024 Eguneko albisteak Hondamendi naturalak Gaurko azken ordukoa Kubako azken ordukoa Latinoamerikako albisteak Lurrikarak gaur Tsunamia Zer gertatu da Tegucigalpan?